Кампања за младински приоритети „Слушни ме“

Веб страницата и кампањата „Слушни ме“ се спроведени од  Фондацијата за демократија на Вестминстер (ВФД) во партнерство со Фондацијата за развој на локалната заедница – Штип (ФРЛЗ – Штип), Центар за едукација и развој – Теарце (ЦЕД – Теарце) и Центар за интеркултурен дијалог – Куманово (ЦИД – Куманово). 

 „Слушни ме!“ е информативна кампања за покревање на свеста кај младите за проблемите и приоритетите кои ги имаат на локално ниво, во пресрет на локалните избори 2021. Слушни ме!“ цели да ги пронајде и промовира потребите на младите од шест општини: Карбинци, Куманово, Липково, Теарце, Тетово и Штип. Преку оваа веб страница младите можат да гласаат за приоритети во секоја од овие општини. Препораките од младите ќе бидат доставени до избраните градоначалници и советници за да се даде идеја и импулс да се заложат за подобрување на локалната самоуправа според потребите на младите. 

Страницата за гласање на локални младински иницијативи е 

www.slushni.me

Кампањата може да ја следите на:
https://www.facebook.com/slushnime

 

Целта на кампањата е да се мотивираат и информираат младите да ги препознаат изборите како начин за демократско учество и да се поттикнат младите да се застапуваат за нивните приоритети како и да се покрене свеста кај кандидатите за градоначалници за потребите на младите во овие локални самоуправи. 

Кампањата е дел од проектот Иницијативата за демократија на Западен Балкан спроведуван од страна на ВФД со поддршка од Британската влада. 

Сподели на

Share on facebook
Share on twitter
Share on email
Share on whatsapp