За потребите на секојдневното работење на Центар за младински активизам Цма Крик отвoраме 1 работна позиција: 1 Координатор на волонтери од програмите Европски младински корпус и Ерасмус-програмите за мобилност.
Бараме млади и амбициозни личности кои сакаат да се приклучат кон тимот на Крик. Тимот и работата на Крик е динамична, интересна и полна со предизвици и нови случувања. Доколку сакаш динамична работа комбинирана со работа во канцеларија, организирање на настани, обуки, работилници во Македонија и странство, ова е одлична можност за тебе.
Работната позиција вклучува патувања во земјата и странство.
Тип на вработување: договор за вработување на неопределено (по 6 месеци работа)
Вработувањето е со: Полно работно време од 8 часа, од понеделник до петок (понекогаш е можно и работа за време на викенд на одредени настани, обуки, работилници).
Работниот ангажман започнува од 26ти септември 2022 година.
Работниот ангажман вклучува:
-Комуникација со партнерите организации кои ги испраќаат волонтерите како и подготовка на волонтерите пред да пристигнат во Македонија
-Комуникација и координација на работата волонтерите кои волонтираат во Крик преку програмата Ерасмус + (подготовка на неделна програма, следење на работата, организирање на активности).
-Организација, логистика и следење на домувањето на волонтерите и потребите што произлегуваат од тоа (изнајмување на станбен простор по потреба-моментално е постоечки, следење на се што им е на волонтерите потребно од логистички дел)
-Комуникација со партнер организации со кои Крик соработува во Ерасмус+ програмата на праќање на млади лица на Европски образовни програми и мобилност (сендинг процесот)
-Промовирање на отворените места за сендинг програмата, селекција на учесници и нивна поддршка во целиот процес (во процесот на подготовка, додека трае активноста и по враќање во локалните заедници).
Потребни квалификации:
-Универзитетска диплома се смета за предност, но не е задолжителна (пожелно социјална работа, психологија или специјална едукација) или релевантно искуство;
-Компетенции за успешно и професионално спроведување на младински програми;
-Да фацилитира сесии на различни теми за различни целни групи на млади;
-Познавање од проектен менаџмент, навремено завршување на задачите и добра работа во тим;
-Познавање на програмите Ерасмус-дел млади и Европски солидарен корпус. Директна работа со програмите (како дел од организација, а не посета на едукативен настан или волонтирање) се смета за предност, но не е задолжителна.
-Добро развиени комуникациски и фацилитациски способности.
Нудиме:
-Динамична и инспирирачка работна средина
-Тим составен од млади лица
-Флексибилно работно време
-Слободни викенди и празници
-Патувања во Македонија и други држави во Европа
-Обука за потребите на работната позиција
-Обука за програмите Ерасмус и Европски солидарен корпус
-Можности за напредување и развивање на сопствени идеи.
Доколку сте заинтересирани аплицирајте на со кратка биографија и мотивационо писмо најдоцна до 20ти септември 2022. Во описот наведете ја позицијата за која аплицирате.
