Собранието на Република Северна Македонија во соработка со Фондацијата за демократија на Вестминстер (ВФД) и поддршка од Британската Амбасада во Скопје, отвора повик за волонтери.
Новата Програма за волонтери ќе им понуди на 20 млади луѓе можност да стекнат практично искуство и да научат за демократијата од прва рака во срцето на демократските процеси – Собранието. Преку оваа програма, Собранието ќе добие можност да ја доближи својата работа до младите.
Преку детални предавања за политичкиот систем, демократските вредности, улогата на Парламентот и улогата на граѓаните и младите, програмата ќе обезбеди квалитетни содржини и искуства за волонтерите. Чест ни е да ги поканиме сите заинтересирани кандидати да се пријават на јавниот повик за волонтерска работа во Собранието на Република Северна Македонија. Волонтерската програма трае 6 месеци.
На огласот може да се пријават млади кои се државјани на Северна Македонија, кои не се во работен однос, имаат најмалку високо образование (прв циклус на студии) или се студенти во завршна година на прв или втор циклус на студии, имаат способност за успешно комуницирање, писмено изразување и истражување, се иницијативни, аналитични и интерактивни.
Рокот за пријавување е 20 септември 2024.
Огласот е достапен на следните линкови:
