ПОВИК ЗА УЧЕСНИЦИ – ОБУКА ЗА ПРИМЕНА НА ФОРУМ ТЕАТАР ВО МИРОВНО ОБРАЗОВАНИЕ

Форум цивилен мировен сервис, во соработка со Association for Educational Development – Ekvalis / Еквалис и Медиа Артес од Охрид, ги поканува сите заинтересирани едукатори, активни во формалното и неформалното образование како и младински работници, социјални работници, психотерапевти, советувачи, мировни активисти и сл, да се пријават за учество во обука за примена на форум театар како алатка за креирање на безбеден простор за дискутирање на размислувања, стравови, ставови, искуства и сл. поврзани со справување со етноцентрични наративи, стереотипи, предрасуди и дискриминација како и за соочување и справување со минати трауматски искуства и иницирање на лични и социјални трансформации.
Обучувачки на обуката се Јасмина Билаловиќ и Сања Михајловска. Обуката ќе се одржи во периодот од 25 до 29 мај во Охрид. Работен јазик: македонски со обезбеден превод на албански.
 
После обуката планирано е учесниците, во 4 групи и под менторство на обучувачките, да подготват и спроведат по една форум театар изведба на 4 различни локации низ државата и пред различни целни групи, кои заеднички ќе се одредат за време на обуката.
 
Сите заинтересирани за учество, се замолуваат, до 13.05.2022, да се пријават со пополнување на прашалникот достапен на овај линк: https://forms.gle/precMMhjc7Cs6A4h6
Селектираните кандидати ќе бидат известени најдоцна до 16.05.2022.

Сподели на

Share on facebook
Share on twitter
Share on email
Share on whatsapp