Креираме култура на родова еднаквост/ Krijojmë kulturë të barazisë gjinore

Над 100 средношколци од 6 училишта од земјата ќе ви ги претстават нивните изработки на тема родова еднаквост и ставање крај на родово базираното насилство, и тоа во категории дизајн/видео, новинарски текстови и дебата. Да го поддржиме нивниот труд!

Mbi 100 nxënës të shkollave të mesme nga 6 shkolla në vend do të prezantojnë punimet e tyre mbi temën e barazisë gjinore dhe fundit të dhunës me bazë gjinore, në kategoritë e dizajnit / videos, teksteve gazetareske dhe debatit. Le ta mbështesim punën e tyre!

Вебинар: Најдобри практики за сајбер-безбедност

Националниот центар за одговор на компјутерски инциденти MKD-CIRT со поддршка на DCAF – Geneva Centre for Security Sector Governance, организира бесплатен вебинар на тема „Најдобри практики за сајбер-безбедност“.
Овoj вебинар е четвртиот од серијата на бесплатни вебинари за сајбер-безбедност и ќе се одржи на 05.02.2021 со почеток во 10 часот.
⬇️ Дел од темите на вебинарот ⬇️
– Најдобри практики за компјутерска безбедност за дома
– Предизвици при безбедно поврзување со корпоративни ресурси од приватни уреди на јавни интернет мрежи
– Користење на корпоративни уреди дома
Зголемете го своето знаење за сајбер-безбедност. Добијте бесплатни совети од врвни експерти. Експерти од областа кои ќе учествуваат како предавачи на овој вебинар се г-дин Владан Бабиќ и г-дин Душан Вигњевиќ.
👉 Пријавете се тука: https://bit.ly/2MfqIXq

„Децентрализација 2.0: Ефективни механизми за граѓанско учество“

Фондацијата за развој на локалната заедница Штип ја организира годишната конференција „Децентрализација 2.0: Ефективни механизми за граѓанско учество“. Конференцијата е посветена на децентрализацијата и граѓанското учество и ќе ги покрие следниве аспекти:
• Децентрализација во Македонија, трендови и предизвици
• Механизми за учество на граѓаните во донесување одлуки на локално ниво
• Отвореност и транспарентност на општините
• Рамномерен регионален развој

Конференцијата ќе се одржи на 11.02.2021 во Штип, со почеток од 12.00 часот.
Заради условите и мерките поврзани со пандемијата од КОВИД-19, оваа година конференцијата ќе има дигитален концепт, при што учесниците ќе можат да се вклучат електронски во дискусија со панелистите.

Гости говорници на годинешната конференција се:
– Г-дин Горан Милевски, Министер за локална самоуправа
– Г-дин Звонко Пекевски, Градоначалник на општина Берово
– Г-дин Сашко Николов, Градоначалник на општина Штип
– Г-ѓа Невенка Лонгурова Гирова, Фондација за развој на локалната заедница Штип
– Г-дин Герман Филков, Центар за граѓански комуникации
– Г-ѓа Светлана Станојковска, советник и претседател на советодавно тело во општина Пробиштип
– Г-дин Слаѓан Пенев, Центар за стратешки истражувања и документација ФОРУМ – Скопје
– Г-дин Кристијан Панев, Фондација за развој на локалната заедница Штип
Дигиталната конференција – Децентрализација 2.0: Ефективни механизми за граѓанско учество е активност од проектот „Ефективен механизам за граѓанско учество“, спроведуван од Фондација за развој на локалната заедница Штип, поддржан од Проектот на УСАИД за граѓанско учество.

Обука за Мicrosoft POWER BI

Мicrosoft Power BI e интуитивна и user-friendly алатка, дури и за оние кои немаат никакво искуство во BI. Тој нуди разбирлив сет од визуелизации како столбови, графикони, мапи на распространетост и сл., и е доста детален кога станува збор за визуелниот приказ на податоците.

Со учењето на овие шеми, Power BI со податоците може да прави предвидувања и „what if“ сценарија. 💻📈📉📊
⭕Аплицирајте за обуката на линкот: https://forms.gle/atajreQ42sUazHqU6
👉За да обезбедите учество на оваа обука како дел од општокорисната работа потребно е да одберете помеѓу пишување и уредување на минимум 5 статии на Wikipedia на македонски јазик или земање на учество во еколошка акција.

Оглас за ангажирање експерт за дигитални комуникациски канали

Институтот за комуникациски студии (ИКС) има потреба да ангажира на експерт за дигитални комуникациски канали, со цел анализа на досегашната активност на социјалните мрежи и веб-страниците во рамки на проектот „Поврзи ги точките: подобрени политики преку граѓанско учество“, како и доставување предлози за нивно подобрување.

1. Кратко за проектот

Проектот „Поврзи ги точките: подобрени политики преку граѓанско учество“ ќе ги зајакне капацитетите за застапување и лобирање на алијанса составена од граѓански организации, медиуми и други актери кои ќе бараат подобрено управување на јавните политики. Проектот има за цел да придонесе кон ефективно и инклузивно креирање на политики и нивна имплементација во интерес на граѓаните преку зголемена контрола од граѓанското општество.

Во рамки на овој проект влегуваат три онлајн платформи на ИКС – Рес публика, Само прашај и Дома. Платформите покрај веб-страници имаат сопствени профили на социјалните мрежи.

Рес публика е веб-страница која ја јакне улогата на академската и стручната заедница во штитењето на јавниот интерес и промовирање на знаењето. На Рес публика се објавуваат блогови, поткасти, влогови, интервјуа и други производи.

Само прашај е платформа наменета за широка публика. На оваа платформа се одговара на прашања од граѓаните и се отвораат теми од јавен интерес за кои останатите медиуми не секогаш известуваат.

Дома е онлајн платформа која се фокусира на заштитата на животната средина. На Дома се објавуваат документарци, видео прилози, фото приказни, анализи, блогови, едукативни фото постови, едукативни видеа итн.

Платформите покрај во Македонија, функционираат на база на партнерство со други медиуми и во државите од регионот. Затоа, покрај на македонски јазик, дел од содржините на Рес публика, Дома и Само прашај се објавуваат и на албански, српски, хрватски, босански и англиски јазик.

2. Опсег на работа

Експертот за дигитални комуникациски канали треба да се осврне на следниве комуникациски канали на ИКС и да достави:

  • Веб-страници на Институтот (ИКС / Рес публика / Дома / Само прашај):
    • да направи основна анализа и препораки за изгледот и функционалноста на веб-страниците;
    • да даде план за имплементација на SEO на веб-страниците.
  • Facebook:
    • да направи основна анализа на страниците на Институтот;
    • да даде препораки за содржината на објавите и фреквенцијата на објавување;
    • да даде препораки за таргетирање на објавите и користење на реклами;
    • да даде модел за објавување на повеќејазични содржини на социјалните мрежи;
    • да даде препораки за подобрување на органскиот досег на објавите;
    • да даде препораки за интеракција со корисниците.
  • Instagram:
    • да направи основна анализа на профилите на Институтот;
    • да даде препораки за содржината и фреквенцијата на објавите;
    • да даде препораки за подобро менаџирање на Инстаграм профилите, кој ќе вклучува и неделен план;
    • да даде препораки за подобрување на интеракцијата со корисниците.
  • Twitter:
    • да направи основна анализа на Twitter профилот на Институтот;
    • да создаде модел за користење на Twitter профилот на Институтот;
    • да достави предлози за зголемување на интеракцијата со странската публика.
  • YouTube:
    • да направи основна анализа на YouTube каналите на Институтот;
    • да понуди модел за менаџирање на YouTube каналите, со посебен акцент на интеракцијата со публиката;
    • да понуди решение за објавување на повеќејазични содржини;
    • да даде препораки за содржината и форматот на видеата.

Експертот треба да се осврне на следните прашања поврзани со содржината која се објавува на каналите:

  • да достави предлози за подобрување на наративите на социјалните медиуми;
  • треба да достави преглед на новите трендови за визуелизација и обработка на содржини;

Експертот треба да претстави модел за мониторинг и мерење на успешноста на дигиталните комуникациски канали, кој ќе вклучува одговорно лице, фреквенција на мониторинг и поставување на индикатори за успешност.

Експертот треба да овозможи обука за користење на Google Ads.

3. Рок и начин на аплицирање

Заинтересираниот експерт/тимот на експерти или фирма треба да аплицираат со поднесок до 5 февруари 2021, на мејлот dmalinovski@iks.edu.mk, со предмет „Консултантски услуги за дигитални комуникации“.

Поднесокот треба да содржи:

  • писмо за изразување намера;
  • кус опис на програмата и методологијата за обуката;
  • CV на експертот или експертите, со нагласок на искуството кое е релевантно за аплицирање. доколку аплицира организација или фирма, потребно е и кратко портфолио на фирмата;
  • предлог буџет.

Изборот ќе се изврши според следните критериуми:

  • приложеното искуство во слични активности;
  • предложената програма и методологија за обука;
  • предложениот буџет.

4. Контакт информации

За дополнителни информации, можете да испратите мејл на Дарко Малиновски, ИКТ и проектен асистент – dmalinovski@iks.edu.mk.

Повик за млади еколози

Нов повик при програмата „д-р Љупчо Меловски“! Пред точно една година ја обновивме иницијативата за поддршка на млади еколози и ја преименувавме по нејзиниот иницијатор и долгогодишен претседател на МЕД – професорот Љупчо Меловски. После турбулентната 2020та во која осум млади еколози добија средства со чија помош можеа да се соочат со еколошки предизвици и да ги реализираат своите истражувачки апетити, ни претставува огромно задоволство што можеме да ја обновиме, но и прошириме оваа програма.

Посетете го линкот и информирајте се како да аплицирате за мал или среден грант!