November 8, 2021 - Mladi.mk

Ве покануваме на онлајн настан – “Родово заснованото насилство во медиумите: состојба, насоки, мониторинг” на ден 11.11.2021 година, со почеток во 11.00 часот.

На настанот ќе бидат презентирани „Водич за мониторинг на Агенцијата за аудио и аудиовизуелни медиумски услуги за регулирање и мониторинг на примената на стандардите за известување во случаи на родово засновано насилство во медиумите“ подготвен од Проектот “Слобода на изразување и слобода на медиумите во Северна Македонија – ЈУФРЕКС”, Истражување на медиумското покривање на темите поврзани со ЛГБТИ заедницата и родово-базираното насилство, подготвено од Коалицијата Маргини/со поддршка на Хајнрик Бел Фондацијата и Прирачник за родово сензитивно известување во медиумите, изработен од ХОПС/UN Women.

Програмската канцеларија на Советот на Европа во Скопје, заедно со Агенцијата за аудио и аудиовизуелни медиумски услуги, Коалицијата Маргини и ХОПС – Опции за здрав живот Скопје, ве покануваат на заедничка промоција на платформата Bluejeans.

Meeting URL: https://bluejeans.com/600854915/6417

Meeting ID: 600 854 915

Participant Passcode: 6417

Фондацијата Метаморфозис во соработка со Министерството за информатичко општество и администрација, а во рамките на Проектот на УСАИД за граѓанско учество, организира втор Хакатон за отворени податоци. Хакатонот ќе се одржи од 30 ноември до 3 декември 2021 година. Наградниот фонд за најдоброто решение на Хакатонот изнесува 3,000 долари, наменети за комплетирање на демо верзијата во функционална апликација.

Ги покануваме сите заинтересирани студенти, стартап компании од областа на IT и сите IT ентузијасти да се пријават за учество на второто издание на онлајн Хакатонот за отворени податоци кој ќе се одржи од 30-ти ноември до 3-ти декември 2021 година, во склоп на 17-то издание на меѓународната конференција е- Општество.мк. Хакатонот се организира во рамки на Проектот на УСАИД за граѓанско учество.

Што е „Хакатон за отворени податоци“?

Хакатонот за отворени податоци е 4-дневен предизвик на кој учесниците треба да создадат креативно решение кое ќе овозможи промовирање на концептот за отворени податоци. Основната цел на хакатонот е доближување на отворените податоци до сите граѓани и нивно прикажување на едноставен и иновативен начин.

Кој има право на учество?

Право на учество имаат тимови составени од студенти или стартап компании од областа на IT. Неопходно е членовите на секој тим да имаат знаења од програмирање, дизајн, економија, маркетинг и слично. Еден тим може да биде составен од најмалку тројца членови, а најмногу осум. Едно претпријатие (*стартап компанија) може да пријави само еден тим.

*Стартап компанија е претпријатие кое не е постаро од 6 години, кое има или сè уште работи на развивање на иновативен производ или услуга и се наоѓа во рана инвестициона фаза.

Награден фонд за победникот?

Победникот на Хакатонот ќе добие финансиска поддршка од 3.000 долари наменета за комплетирање на демо верзијата (предложена и изработена за време на Хакатонот) во функционална апликација.

Регистрација на учесниците

Пријавувањето на тимовите е отворено до 24 ноември, 2021 година, до 16:00 часот. Регистрацијата е на следниот линк, а формуларот го пополнува секој член на тимот поединечно.

Прашања и одговори?

Вашите прашања може да ги испратите на [email protected]; најдоцна до 20 ноември, 2021 година. Деталните информации поврзани со Хакатонот се достапни во документот: Информации – Хакатон за отворени податоци

Пријавете се!

Day: November 8, 2021

Покана за настан на тема „Родово заснованото насилство во медиумите: состојба, насоки, мониторинг”

Повик за вториот Хакатон за отворени податоци

Главна навигација

Категории

Следете ги новостите

Изработено од WebDuo.mk