Author: cmakrik

Краен рок

15.03.2024 Работниот ангажман започнува: 20ти март 2024

За потребите на секојдневното работење на Центар за младински активизам Цма Крик отвораме повик за:

Позиција: Асистент на социјална услуга  живеење со 24 часовна поддршка во Скопје за лица со попреченост за 3 станбени единици или 15 возрасни корисници со попреченост

Работни часови: Целосно работно време (40 часа неделно) или пола работно време (20 часа неделно). Постојат двете опции, во зависност од договор со кандидатите се разгледува која опција е по соодветна.

Работните часови се поделени според потребите на корисниците. Најголем дел од работните часови (70 проценти од времето) се во текот на работното време од 8 или 9 часот до 16 или 17 часот. Дел од работните часови (30 проценти од времето) се распределуваат за време на викенд или после 17 часот.

Работните часови се одредуваат во согласност со договор со координаторот на сервисот и итните потреби на корисниците.

Вид договор: По избор на кандидатот. Постои можност за вработување со договор за вработување или ангажирање со договор на дело.

Позадина:

ЦМА КРИК е приватен давател на социјалната услуга живеење со 24 часовна поддршка на лица со попреченост. Моментално координира 3 станбени единици каде живеат 15 корисници. Кон крајот на 2024 година се очекува отворање на 4та станбена единица.

Опис на работно место (Асистент) (1 позиција)

Асистира на сервисот и дава грижа за здравствената и социјалната потреба на корисниците. Асистира на координаторот на социјалната услуга за личните потреби на корисниците.

Должности и одговорности:

  Ги придружува корисниците на регуларно закажаните и итните прегледи кај матични лекари и специјалисти.

 Комуницира со матични лекари и специјалисти за потребите на корисниците

  Води здравствена евиденција за корисниците:

-ги администрира сите извештаи од специјалисти и матични лекари,

-подигнува резултати од клиники и лаборатории,

-ги администрира на соодветно место како дел од регуларно здравствено досие на корисниците

Го прати интелектуалниот, психомоторниот и социјалниот развој како и можностите за работно окупационо ангажирање на корисниците

Ја следи почетната адаптација на корисникот и се грижи за одржување на добра здравствена состојба

Води уредна, стручна дневна евиденција за извршените работни задачи, подготвува за работата

Организира активности за личен и социјален развој на корисниците (асистира при прошетки на корисниците околу станбените единици, организира кратки екскурзии низ излетнички места во Скопје и околината и слично.)

Место на извршување на работните обврски: теренска работа на местата каде се матичните лекари и специјалистите и местото каде станбените единици се лоцирани (Аеродром).

Почеток на работата: Средина на март 2024 година

Почетна плата: бруто износ од 37 000 мкд за полно работно време.

Договор за вработување нето плата од 25 000 мкд.

Договор на дело нето плата од 33 330 мкд.

Потребни квалификации:

да биде државјанин на Република Северна Македонија

активно да го користи македонскиот јазик

да имаат општа здравствена способност за работата

со правосилна судска одлука да не е осуден на забрана за вршење професија, дејност или должност

да има искуство во работа со лица со попреченост

да има добри координативни и организациски способности

да има искуство во водење на здравствена грижа за лица со попреченост

Како да се аплицира:

Ве молиме, испратете CV и мотивационо писмо на е-адресата: [email protected]

Насловот треба да ја наведува позицијата на работата и вашето име Пр. Координатор Петар Петровски. Апликациите поднесени во други форми нема да бидат разгледани.

Само селектираните  кандидати ќе бидат контактирани. Сите кандидати се охрабруваат да аплицираат. Рокот за пријавување е до 15.03.2024 година. Кандидатите ќе бидат повикувани на интервју во текот на рокот за пријавување, така да ве охрабруваме да аплицирате веднаш чим изразите интерес како позицијата не би се пополнила.

Што нудиме:

Флексибилна работна средина

Тим спремен да ве поддржи во работата

25 дена годишен одмор

Патувања во странство на работни состаноци и обуки

Можност за ангажман со вработување или хонорарен ангажман (според потребите на кандидатот)

Повик за членови и Претседател на Управен одбор

Според член 26 од статутот на ЦМА Крик, здружението објавува повик за Членови и Претседател на Управниот одбор на Здружението.

Членовите на Управниот одбор ќе се гласаат на одржувањето на годишното собрание на ЦМА Крик. Годишното собрание ќе се одржи на 14.03.2024 година со почеток во 12:00 часот во просториите на Мултифункционалниот центар Крикни во населба Црниче, во седиштето на организацијата.

Доколку сте биле член на ЦМА КРИК изминатите 2 години и сте заинтересирани да бидете дел од Управниот одбор, аплицирајте на следната електронска пошта [email protected] со вашата кратка биографија и мотивационо писмо. Наведете дали аплицирате за член или Претседател на Управниот одбор.

Рокот за аплицирање е 10ти март 2024 година.

Што значи Управниот одбор во Крик?

Според, Член 26 од Статутот на Крик, Управниот одбор:

Член 26

Управувањето на организацијата во периодот меѓу две седници на Собранието го врши Управниот одбор и го сочинуваат пет члена.

Управниот одбор го избира Собранието како највисок орган.

Член на Управниот одбор може да биде лице кое е деловно способно и е активен, полноправен член на Здружението најмалку две години.

Членовите на Управен одбор не добиваат финансиски надомест за својата работа во рамките на одборот.

Член 27

Управниот одбор за својата работа одговара пред Собранието.

Работата на Управниот одбор се регулира со посебен Деловник кој се усвојува со мнозинство гласови од вкупниот број од неговите членови.

Мандадот на членовите на Управниот одбор е 2 години со можност за реизбор.

Управниот одбор се состанува најмалку еднаш на три месеца, а по потреба и почесто.

Состанок на Управниот одбор ги свикува и води Претседателот на Управниот одбор. УО е должен да го најави состанокот минимум 7 дена пред негово одржување.

Во отсуство на претседателот, состанокот го свикува и води член на Управниот одбор кој е избран од останатите членови.

Управниот одбор може полноправно да работи и одлучува доколку на состанокот присуствуваат повеќе од половина од членовите на УО.

УО одлучува со мнозинство гласови од присутните членови.

За секој одржан состанок на УО задолжително се води записник, кој се објавува и испраќа до членовите на Здружението по електронски пат откако ќе биде усвоен, како и во Годишниот извештај за работата на УО.

Член 28

Собранието може да го отповика Управниот одбор или одредени негови членови и пред истекот на мандатот со мнозинство од вкупниот број гласови на собранието доколку оцени дека истите не ја извршуваат својата должност во согласност со одредбите на овој Статут, односно со одлуките на Собранието или по сопствено барање или во случај на околности според кој даден член на Управниот одбор не е во можност да ја извршува својата функција.

Член 29

Членовите на Управниот одбор во секое време треба да се водат според целите и интересите на здружението.

Кои се надлежностите на Управниот одбор на Крик?

Според Член 30 од Статутот на ЦМА КРИК, надлежностите на Управниот одбор се:

Член 30

Управниот одбор на Здружението ги има следниве надлежности:

– го следи спроведувањето на Статутот, Стратегијата и Програмата на Здружението,

– се грижи за работењето и имотот на организацијата,

– мониторира и прегледува имплементација на одобрените годишни средтства и ако е возможно прави нивна измена,

– ја разгледува завршната сметка и ревизорскиот извештај и ги поднесува за усвојување пред Собранието,

– собира и алоцира нови средства,

– поднесува нови проекти

– развива политика која ја претставува пред Собранието,

– рапортира пред Собранието за имплементација на одобрените одлуки,

– суспензира и исклучува членови согласно Член 11,

– поднесува годишни извештаи за својата работа пред Собранието и

– врши други работи во согласност со Статутот и актите на Здружението 

Повик за учество на Генерално собрание на Центар за младински активизам ЦМА Крик

Почитувани членови,

Според член 20 од статутот на ЦМА Крик, здружението објавува повик за одржување на годишно собрание на ЦМА Крик. Годишното собрание ќе се одржи на 14.03.2024 година со почеток во 12:00 часот во просториите на Мултифункционалниот центар Крикни во населба Црниче, во седиштето на организацијата.

Што значи Собрание на ЦМА КРИК? Член 19 од Статутот на ЦМА КРИК

Член 19

Собрание

Собранието на Здружението е негов највисок орган, кое го води Претседателот на Собранието, а во неговата работа учествуваат сите членови, но право на глас имаат само полноправните членови.

Кои се обврските кои членовите на Собранието на Крик ги имаат? Член 25 од Статутот на ЦМА КРИК.

Член 25

Собранието на Здружението ги има следните надлежности:

– донесува Статут, програма и други акти,

– усвојува годишен извештај за работа и финансиски извештај и го објавува на огласната табла на својата интернет страница,

– доставува финансиски извештај до надлежниот орган на државната управа, односно до органот на општините, општините во градот Скопје и градот Скопје во случаите кога користи средства од Буџетот на Република Македонија, односно буџетите на единиците на локалната самоуправа,

– одлучува за промена на целите на Здружението,

– одлучува за внатрешната организација и организационите форми на органите на Здружението,

– избира и разрешува членови на органите,

– одлучува за статусните измени на Здружението,

– одлучува за престанок на Здружението со двотретинско мнозинство гласови од сите членови на Здружението и

– врши други работи во согласност со Статутот и актите на Здружението.

На ова собрание можност за учество имаат полноправни и придружни членови на организацијата. Според статутот, видовите на членство се дефинирани на слениов начин:

Член 17

Постојат две категории на членување, односно полноправно и придружно.

Полноправниот член има право на еден глас за време на Годишното Собрание, има право да биде биран во органите на Здружението, да учествува во работата на Здружението. Полноправниот член редовно плаќа членарина.

Придружниот член може да присуствува на Годишното Собрание при што нема право на глас. Придружни членови се симпатизери на организацијата или гости. Придружниот член не плаќа членарина.

Услови за полноправен член на Крик:

Активно да придонесува во работата на организацијата минатата година. Активно придонесување се смета било која од следните активности (може и само 1 од опциите на пример опција 1 или опција 2):

Опција 1 Активно учество на активностите на Крик

-Да бил дел од минимум учество на 3 настани, 1 програма/обука и да спровел минимум 1 активност како дел од програмата на Крик.

Што е настан? Еднодневна активност која трае неколку часа. Тематиката е различна врз основа на планираните активности.

Што е програма/обука? Едукативна активност од повеќе денови каде постои едукативна програма која се презентира до учесниците. Оваа едукативна активност може да биде Ерасмус + обука или некоја обука која се случувала на локално или национално ниво спроведена од страна на Крик.

Што значи спроведување на 1 активност? Целосно самостојно планирање на минимум еден еднодневен настан (може и повеќе настани, обуки, работилници) кои лицето го организира од почеток до крај.

Опција 2 Вработување во Извршната канцеларија на Крик

-Да биде вработен/хонорано ангажиран во Крик минимум 3 месеци

Доколку ги исполнувате условите ве молиме пополнете ја следнава апликациска форма:

Форма за пријава

Отворен повик за учество во работилници за сликање „Насликај ја инклузијата“

Здраво девојки!

По повод празникот 8ми Март, ЦМА Крик ќе организира работилници за изработка на уметнички слики!

Работилниците се наменети за млади девојки од 18 до 29 години со попреченост или со типичен развој кои имаат желба да научат техники за сликање и да ги зајакнат капацитетите за креативно изразување. 

За да ни се придружите, пријавете се на линкот подолу. 

Работилниците ќе се одржат во Окупациониот Центар на Крик, на следните датуми:

• Прва работилница 27.02. 2024 – вторник
• Втора работилница 28.02.2024 – среда
• Трета работилница 29.02.2024 – четврток
• Четврта работилница 01.03.2024 – петок

Локација: Центарот за Окупациона Терапија се наоѓа на ул. Св.Наум Охридски бб, К.Вода (во склоп на Месната заедница во Црниче)

Време: 10:00 – 13:00

Линк за регистрација: https://forms.gle/h3XuFvgUDUkiQ6Xx7

Активностите се финансирани преку Проектот „МладиХаб – Еднакви можности за девојчињата и младите жени во Северна Македонија“ кој го спроведуваат Националниот младински совет на Македонија и Stella Network, со финансиска поддршка од страна на Британската амбасада во Скопје.

Целта на активностите во овој проект е поттикнување финансиска независност на млади девојки со и без попреченост, преку градење на нивните капацитети за вклучување во пазарот на трудот.

Краен рок

05.02.2024 // Работниот ангажман започнува: 10ти февруари 2024

За потребите на секојдневното работење на Центар за младински активизам Цма Крик отвораме повик за:

Позиција: Координатор на 3 станбени единици за живеење со 24 часовна поддршка во Скопје

Работни часови: Целосно работно време (40 часа неделно)

Вид договор: Привремен договор со посебни услови

Позадина:

ЦМА КРИК е приватен давател на социјалната услуга живеење со 24 часовна поддршка на лица со попреченост. Моментално координира 3 станбени единици каде живеат 15 корисници. Кон крајот на 2024 година се очекува отворање на 4та станбена единица.

Опис на работно место ( Координатор) (1 позиција)

Ја координира работата и врши стручна работа во насока на ефективно, ефикасно и економично работење, и реализација на поставените цели и надлежности на одделот.

Должности и одговорности:

Ја насочува, обединува и координира работата на вработените и ги распоредува работните задачи на вработените во 3 станбени единици

Ја координира севкупната логистика која е потребна да се организира за да станбените единици функционираат секојдневно и ги опслужуваат услугите на корисниците.

Го прати интелектуалниот, психомоторниот и социјалниот развој како и можностите за работно окупационо ангажирање на корисниците и изготвува годишен и месечен  план  за работа на членовите од стручниот тим  за третман на корисниците.

Ја следи почетната адаптација на корисникот и се грижи за одржување на добра здравствена состојба

Води уредна, стручна дневна евиденција за извршените работни задачи, подготвува месечен и годишен извештај за работата

Спроведува дефектолошки, рехабилитациски и корективен третман.

Носител е на програмската едукација за формирање на навики кај корисниците со тешка и најтешка интелектуална попреченост за изведување на основните активности од кругот на билошките, физиолошките и хигиенските потреби, па се до вклучување во воспитно – работни активности со постојан надзор и поттикнување.

Изготвува:

-Распоред за вработените во станбените единици (негувателите)

-Ја следи работата на негувателите и се осигурува дека работните задачи се квалитетно исполнети

-Решава конфликти помеѓу негувателите и предлага промени во начинот на работа

-Проверува дневни извештаи напишани од страна на негувателите и работи согласно реалната ситуација која е настаната

-Наод и мислење на стручен тим за состојбата на корисниците и понатамошен третман

-Ја следи работата и прогресот кој корисникот на социјална заштита го има

-Во постојан контакт е со Центрите за социјална работа, старателите и семејството каде постои

-План и спроведување на набавки на се што е потребно во станбените единици

-Во контакт е со матичниот лекар, специјалисти и останати стручни лица кои се вклучени во лекувањето и одржувањето на здравствената состојба на корисниците

-Ги носи корисниците на закажани и итни лекарски прегледи

Место на извршување на работните обврски: канцеларија на ЦМА Крик во Црниче и местото каде станбените единици се лоцирани (Аеродром).

Почеток на работата: Почеток на февруари 2024 година

Почетна плата: 30 000 мкд

Потребни квалификации:

да биде државјанин на Република Северна Македонија

активно да го користи македонскиот јазик

да имаат општа здравствена способност за работата

со правосилна судска одлука да не е осуден на забрана за вршење професија, дејност или должност

да има искуство во работа со лица со попреченост

да има добри координативни и организациски способности

Високо образование во областа на: Социјална работа, психологија или специјална едукација, право, логопедија или педагогија се смета за предност. Ги охрабруваме и другите профили да аплицираат.

Како да се аплицира:

Ве молиме, испратете CV и мотивационо писмо на е-адресата: [email protected]

Насловот треба да ја наведува позицијата на работата и вашето име Пр. Координатор Петар Петровски. Апликациите поднесени во други форми нема да бидат разгледани.

Само селектираните  кандидати ќе бидат контактирани. Сите кандидати се охрабруваат да аплицираат. Рокот за пријавување е до 05.02.2024 година. Кандидатите ќе бидат повикувани на интервју во текот на рокот за пријавување, така да ве охрабруваме да аплицирате веднаш чим изразите интерес како позицијата не би се пополнила.

Основни информации: 

Полно работно време или 40 часа неделно (од понеделник до петок од 8 или 9 до 16 или 17 часот. Можна работа за викенд или надвор од работно време по потреба.

Што нудиме:

Флексибилна работна средина

Тим спремен да ве поддржи во работата

25 дена годишен одмор

Патувања во странство на работни состаноци и обуки

Можност за ангажман со вработување или хонорарен ангажман (според потребите на кандидатот)