Повик за приклучување на организации кон Национален младински совет на Македонија

Сакате да се вмрежите и да соработувате со други организации кои работат на локално, регионално и национално ниво? Тогаш НМСМ е вистинската мрежа за вас!

На кого се однесува повикот?

  • Младински организации,
  • Организации за млади,
  • Сојузи,
  • Подмладоци на други организации,
  • Универзитетски собранија.

Дел од придобивките на членувањето во НМСМ се:

  • Соработка и заедничко делување со организации од целата држава за подобри услови за младите;
  • Вмрежување и партнерство со организации кои имаат ист или сличен делокруг на работа;
  • Учество во процеси при креирање на соодветни политики кои овозможуваат социјален и личен развој на младите;
  • Можност за застапување и делување во името на интересите на младите и младинските организации преку соработка со институциите;
  • Развој на капацитетите преку зајакнување и промоција на улогата на младинските организации пред институциите и засегнатите страни;
  • Информации и известувања за можностите и проектите кои ги нудат останатите организации;
  • Промовирање на вашите активности, настани и ресурси преку платформата Млади.мк.

За НМСМ:

Преку програмата за стратешки развој на НМСМ, активно креираме и имплементираме активности во насока на градење на капацитетите на сите форми на младинско организирање како и поддршка на младите лица во секој аспект од нивното секојдневие. Во оваа насока, клучните области во кои ја имаме изградено својата експертиза се развој и градење на капацитетите на формите на младинско организирање, личен и професионален развој на млади, благосостојба на млади и младински стандард, соработка со национални и меѓународни институции/организации и други чинители а во насока на поддршка на формите на младинско организирање, истражувања поврзани со млади и форми на младинско организирање и застапување базирано на овие истражувања.

Програмата за добро владеење се фокусира на поттикнување и предводење на процеси за креирање на младински политики; унапредување и мониторирање на веќе-постоечките; застапување и соработка со/пред сите релевантни чинители (национални, регионални и меѓународни) со цел унапредување на положбата и благосостојбата на младите. Програмата има за цел да ги афирмира младите како активни носители на права. Оттаму, клучни области на работа на програмата за добро владеење се: младинско учество; младински политики; истражувања и застапување поврзано со младинско учество и младински политики; политики за младински стандард; политики за вработување; соработка со национални и меѓународни институции/организации.

Како да аплицирате?

На [email protected] испратете ни ги скенирани документите заедно со пополнетиот образец за прием во членство најдоцна до 30 април 2023, до 23:59 часот.

  1. Пополнет образец – барање за прием во членство (достапно тука);
  2. Статут;
  3. Тековна состојба (не постара од шест месеци);
  4. Организациска шема;
  5. Годишни наративни и финансиски извештаи за последните две години (за полноправно членство);
  6. Одлука за членување во НМСМ од тело овластено да ја донесе таа одлука согласно Статутот и внатрешните акти на подносителот;
  7. Годишна програма за работа, или стратешки план, според која организацијата ќе ги реализира своите активности во наредниот период.

По завршување на административниот дел и комплетирање на документацијата, нашиот тим ќе дојде на посета кај вас да се запознаеме и да ни кажете повеќе за вашата организација и интересот за членство во НМСМ. Одлуката за членство ја донесува Собранието на НМСМ.

Во продолжение може да ги прочитате критериумите за полноправно и придружно членство кои се наведени и во Статутот на НМСМ.

Младинска организација – полноправно и придружно членство.
Организација за млади – полноправно и придружно членство.
Подмладок на организација – полноправно и придружно членство.
Сојузи – полноправно и придружно членство.
Универзитетски собранија – полноправно и придружно членство.

За секакви прашања обратете се на [email protected] или на 078 350 531.

Повик за млади за учество на обуки

За проектот

Главна цел на проектот „Социјално претприемништо за младинско вработување“ е да поттикне економско зајакнување и развој на социјални претпријатија предводени од млади. Преку различни активности, проектот ќе обезбеди можности за градење капацитети за невработени млади лица, a истовремено ќе ги води низ процес на
саморазвој и раст во полето на социјалното претприемништво, како модерен начин на самовработување. Проектот го спроведува Националниот младински совет на Македонија, со финансиска поддршка од ЕУ и истиот се стреми да воспостави поволна средина за младинско социјално претприемништво, со што би се намалила невработеноста кај младите; да ги зајакне компетенциите и капацитетите на ранливите млади; да го промовира социјалното претприемништво предводено од млади; да ги вклучи младите во социјалните претпријатија, како и да обезбеди простор за прибирање средства за имплементација на нови идеи за социјални претпријатија.

За повикот

Преку проектот ќе се одржат вкупно 12 обуки наменети за млади вработени во социјални претпријатија и невработени млади лица од ранливи групи на граѓани, со цел да намалат и неутрализираат предизвиците со кои младите се соочуваат во нивните обиди да основаат сопствено социјално претпријатие и ќе им помогнат во
нивниот професионален раст и развој. Обуките ќе бидат поделени во три програми:

  • Обуки за меки вештини, со кои најмалку 100 невработени млади лица и млади лица вработени во социјални претпријатија ќе развијат меки вештини како комуникација, лидерство, тимска работа, професионални вештини, ИТ меки вештини, итн. Обуките ќе се одржуваат со физичко присуство, имајќи предвид дека меките вештини полесно се пренесуваат во живо. Секоја од обуките за меки вештини ќе трае 3 дена.
  • Обуки за претприемништво, со кои најмалку 100 невработени млади лица ќе се стекнат со потребните знаења за основање и управување со сопствено социјално претпријатие, како развој на бизнис план, запознавање со законските и административните одредби за започнување и управување со социјално претпријатие, управување со човечки ресурси, вмрежување итн. Секоја од обуките за претприемништво ќе трае 2 дена и истите ќе се одвиваат онлајн.
  • Обуки за прибирање средства и за комуницирање со заедницата, со кои најмалку 100 потенцијални млади претприемачи и млади лица вработени во постоечки социјални претпријатија ќе бидат обучени како успешно да водат кампања за прибирање финансиски средства за нивното социјално претпријатие и како да комуницираат со нивната заедница и целна група. Обуките ќе траат 2 дена и ќе се одржуваат онлајн.

Услови и обврски за учество во обуките

Заинтересираните кандидати за учество во обуките преку проектот „Социјално претприемништво за младинско вработување, потребно е да:

  • Се млади лица на возраст од 18 до 29 години;
  • Да се невработени млади лица;
  • Да се вработени/ангажирани во социјално претпријатие.

Начин на пријавување

За пријавување, заинтересираните кандидати треба да го пополнат формуларот достапен на овој линк. Повикот ќе трае се додека не се пополнат сите места. Штом ќе се пријават 25 лица, ќе се формира група и ќе се одржи обуката.

Доколку Ви се потребни дополнителни информации за проектот или повикот, слободно обратете се на [email protected] или на 078 350 531.

ПОВИК ЗА JOB SHADOWING ВО НАЦИОНАЛЕН МЛАДИНСКИ СОВЕТ НА МАКЕДОНИЈА

За проектот

Балкански млади: поврзување на едукацијата, способностите и партнерскиот потенцијал во регионалните практики за вработување е меѓународен проект кој се спроведува во Белгија, Црна Гора, Турција Босна и Херцеговина, Албанија, Србија и Северна Македонија. Главната цел на проектот е да придонесе за младински претприемачки можности и да ги зајакне перспективите за вработување на младите од Западен Балкан. Проектот започна да се имплементира во март 2020 година, а ќе трае до февруари 2023 година.

Што е job shadowing?

Job shadowing e процес во кој се разменува искуство преку практична работа. Во овој процес, лицето кое што е дел од job shadowing во одреден временски интервал стекнува работни навики и искуство во одреден правен субјект, под надзор на ментор кој му помага во работата. Во ваквите случаи, менторот работи во организацијата во која се случува процесот на job shadowing и најчесто е искусно лице со повеќегодишна работно искуство. Ваквиот начин на тренинг е ефективна форма преку која во исто време се работи и директно се учи преку работата.

Job shadowing во Национален младински совет на Македонија

Во склоп на проектот „Балкански млади: поврзување на едукацијата, способностите и партнерскиот потенцијал во регионалните практики за вработување“ НМСМ ќе понуди овозможувачка средина за едно лице кое ќе го помине процесот на job shadowing во Советот. За ваквиот ангажман ќе биде потпишан договор на два месеци, односно јануари и февруари. Во текот на овие месеци се очекува избраното лице активно да учествува во проектите и програмските активности на здружението. За време на ангажманот, ќе се стекне искуство за:

  • Функционирање на мрежни национални организации
  • Проектно работење и проектен циклус
  • Проектно известување
  • Административно и оперативно работење
  • Младинско учество и младински политики
  • Организација на настани и друг тип на активности
  • Градење на партнерства
  • Интерна и екстерна комуникација

Предвидениот месечен надоместок за овој ангажман изнесува 15 000 нето, со целосно работно време во текот на праксата.

Како да аплицираш?

Доколку си младо лице на возраст од 18 до 29 години и имаш желба да научиш нешто повеќе за национални и локални младински политики, младинско учество, мрежно работење но сакаш и да стекнеш практично и применливо знаење, тогаш својата биографија и мотивациско писмо достави ги на [email protected]  најдоцна до 25.12.2022 година, до 23:59.

Во мотивациското писмо потруди се да ги опфатиш следниве теми:

  • Мотивацијата за ангажман во НМСМ
  • Видување за мрежното организирање
  • Видување за младинското организирање и учество во Северна Македонија
  • Активности и практични вештини на кои сакаш да се фокусираш за време на твојот ангажман во НМСМ

Мотивациското писмо не треба да биде подолго од 3 страни односно 1000 зборови.

Регионален форум за градење партнерства за претприемачко учење

Националниот младински совет на Македонија ве поканува на Регионалниот форум за градење партнерства за претприемачко учење кој се организира во рамки на проектот „Балкански млади: поврзување на едукацијата, способностите и партнерскиот потенцијал во регионални практики за вработување“. 
Регионалниот форум преставува платформа која ќе овозможи да се поттикне градењето на партнертства за претприемачко учење во регионот на која ќе бидат присутни 120 претставници од младински организации од регионот, претставници од владини и професионални тела, млади претприемачи и успешни студентски компании. 
Форумот ќе се одржи во периодот од 26 до 28 октомври во Хотел Александар Палас, Скопје. 
Доколку сакате да учествувате на настанот, најавете го вашето присуство со пополнување на формата достапна на следниот линк: https://forms.gle/YFEbdXjMdyWHWKeQA
Рокот за пријавување е 20 октомври 2022г., по што формата ќе биде затворена поради ограничен број на места.
Целосната агенда за настанот ќе биде доставена дополнително.
Проектот „Балкански млади: поврзување на едукацијата, способностите и партнерскиот потенцијал во регионални практики за вработување“ е поддржан од Европска Унија и има за цел да придонесе за младински претприемачки можности и да ги зајакне перспективите за вработување на младите од Западен Балкан.

Повик за учество во програма за трансформација на идеја

Имате одлична идеја, но не сте сигурни дали можете да ја претворите во реален бизнис? 

Претприемништвото звучи како нешто што би можело да биде ваша идна професија, но сеуште немате доволно познавање за него? 

Имате одличен тим од креативци со кој би можеле да развиете сосема нов и иновативен производ? 

Вие сте создадени за бизнис, само ви недостига малку храброст и вистински ментор?

Ако се пронаоѓате барем во едно од наведените тврдења, имаме одлична вест за вас!

Пријавете се за нашата програма за трансформација на идеја во реален бизнис

 Една супер идеја со потенцијал да порасне и да стане бизнис

Динамична, интерактивна програма наменета за млади под менторство на искусни професионалци oд бизнис секторот

Ако се пронаоѓате барем во едно од наведените тврдења, имаме одлична вест за вас!

Пријавете се за нашата програма за трансформација на идеја во реален бизнис

 Една супер идеја со потенцијал да порасне и да стане бизнис

За проектот:

Програмата за трансформација на идеја во реален бизнис е дел од проектот „Балкански млади: Поврзување на едукацијата, способностите и партнерскиот потенцијал во регионалните практики за вработување“ и е меѓународен проект кој се спроведува во Белгија, Црна Гора, Турција Босна и Херцеговина, Албанија, Србија и Северна Македонија. Главната цел на проектот е да придонесе за младински претприемачки можности и да ги зајакне перспективите за вработување на младите од Западен Балкан. Проектот започна да се имплементира во март 2020 година, а ќе трае до февруари 2023 година.

За кого е наменета? 

Програмата е наменета за сите млади, амбициозни и креативни луѓе кои имаат идеја и истата сакаат да ја трансформираат во реален бизнис. Преку оваа програма учесниците се стекнуваат со знаење за тоа што значи да се води еден бизнис, што вклучува една компаниска структура и каква документација е потребна за отварање на истата, креирање на бизнис модел и маркетинг стратегијапласирање на продукт или услуга на пазар, начини на финансирање, подготовка на презентација пред инвеститори и други корисни работи кои се составен дел од отварање и водење на еден бизнис.

Финалната цел на оваа програма е учесниците да го отворат и успешно започнат својот прв бизнис. Секако, за цело време низ програмата, учесниците ги водат  искусни ментори кои ова исклучително корисна активност ќе ја направат лесно – разбирлива, инспиративна и забавна.

Кој може да аплицира?

  • Сите млади на возраст од 15 до 29 години со своја бизнис идеја 

Како да аплицирам?

  • Со пополнување на Апликациската форма на следниот линк.


Рок за поднесување на апликации:

25 септември 2022

 

Контакт за дополнителни информации:

OPEN CALL FOR YOUTH BLOGS FOR REGIONAL COOPERATION

YOUTH BLOGS FOR REGIONAL COOPERATION

 

As part of the Connecting Youth (CY) regional youth platform, the National Youth Council of Macedonia is opening a call for Youth Blogs for Regional Cooperation. The blog intends to be a free space for honest conversations about the topics that are related to this platform and are relevant to youth audiences from the Western Balkans region. This call is open to young nationals of North Macedonia (aged 15-29).

 

Submit a blog entry on the following link, no later than July 312022.

 

 

ABOUT CONNECTING YOUTH AND ITS BLOG FEATURE

Connecting Youth (CY) is a grassroots regional youth platform implemented by the Cooperation and Development Institute (CDI), together with the umbrella youth organizations of the six Western Balkans Countries – National Youth Congress of AlbaniaNational Youth Council of MacedoniaNational Youth Council of SerbiaHigh School Students Union of MontenegroThe Kosovar Youth Council (KYC), Youth Council of Federation of Bosnia and Hercegovina with the support of Hanns Seidel Foundation.

The blog section of the CY website will be an additional resource for all those who are interested to engage with the topics that are the platform’s main focus. The blog will contain user-generated content with topics that are relevant to the partners, youth stakeholders, and the general public. This blog will aim to attract youth to engage with and contribute to the objectives of CY work.

 

THEMES

Blog posts and articles will relate to the main thematic categories that CY has in focus, such as education, participation and employability. Within these three main categories blog entries related to other important topics will be added. The proposed blog topics are available below:

  • Any progress in the dialogue between youth organizations and institutions?
  • Youth Guarantee: How do I get involved?
  • Connecting youth to the sectors that count: but which ones? 
  • Youth participation in the WB: How can we harness space for meaningful participation in policymaking?
  • What should the future of education look like?
  • Deconstruct the belongingness feeling with your territory? 
  • Green Deal: A voice and role for youth?
  • EU Enlargement from a youth perspective
  • How to harness the dynamism of the youth in terms of their political participation?

 

We are looking for short, precise, and focused articles in simple language, which can be easily understood.

 

BLOG FORMAT

  • CONTENT: Blog posts and articles have to relate to the main thematic categories listed above.
  • LANGUAGE: The blog post has to be written in English and it will be proofread by the communication team.
  • LENGTH: The texts shall not be longer than 1,000 words.
  • PHOTOGRAPHY: Each post has to have at least one photograph or artwork (with copyrights cited).

 

 

ELIGIBILITY

  • Be citizens of North Macedonia;
  • Are aged between 15 and 29 years by July 31, 2022

 

SUBMIT A BLOG ENTRY

In order to submit a blog entry for review, please fill out the form on the following link, no later than July 312022.

 

SELECTION CRITERIA

Following the completion of the call, 3 blog entries will be selected and will be published on the Connecting Youth website. Please note that no additional prize will go to the selected blogs entries.

The blog entries will be evaluated according to the following criteria:

  • BLOG CLARITY: The topic and priority being addressed should be clearly identifiable
  • FACT-BASED CONTENT: Your arguments should be based on carefully collected sources.
  • STRUCTURE: Your essay should have a clear structure and not exceed 1,000 words.

 

EDITORIAL POLICY 

The blog intends to be a free space for honest conversations about the topics that are related to this platform and are relevant to youthaudiences from the Western Balkans region. New themes around the main categories can be proposed and added to the blogging list of articles. There will be no strict editorial policy as long as the articles are fact-based, fair, and respectful towards all community members. This section will be aligned with CY’s work, beliefs, and commitment. If any of these criteria are not met, CDI and NYCM hold the right to suggest editorial changes to the blog posts.

ПОВИК ЗА МЕНТОР ЗА ТРАНСФОРМАЦИЈА НА БИЗНИС ИНИЦИЈАТИВИ ВО МАЛИ И СРЕДНИ ПРЕТПРИЈАТИЈА

Во рамки на проектот „Балкански млади: поврзување на едукацијата, способностите и партнерскиот потенцијал во регионалните практики за вработување“ отвораме Повик за ментор за трансформација на ученички и младински бизнис иницијативи во мали и средни претпријатија.

За ангажманот:

Работните задачи на Менторот опфаќаат:

  1. Креирање на процесот за избор на младински и ученички бизнис иницијативи за учество во програма за трансформација и раст;
  2. Поддршка на растот и трансформацијата на избраните иницијативи во мали и средни претпријатија;
  3. Придонес во креирањето на пакет алатки за трансформација на регионално ниво

Менторот ќе биде ангажиран за 40 работни дена во период од 8 месеци (мај – декември 2022 година), од кои 7 дена за активност бр. 1, 26 дена за активност бр. 2 и 7 дена на активност бр.3.

Понудата треба да ги содржи следниве информации:

  •  Финансиска понуда
  • Tековна состојба на добавувачот (доколку е правно лице), не постара од една година;
  • Кратка биографија на експертот со референци;
  • Потпишана изјава за ексклузивност и достапност,
  • Потпишана изјава (доколку се работи за правно лице) дека нема правни пречки за реализација на активноста.

 

Сите потребни документи за аплицирање се достапни тука.
Повеќе информации за менторот за трансформација на бизнис иницијативи најдете 
тука.

На повикот имаат право да се пријават сите заинтересирани правни и физички лица. Правните лица можат да аплицираат со тим од двајца консултанти. Повеќе детали за условите и начинот на пријавување можете да најдете во документот „Услови за работа“.

Проектите финансирани од ЕУ се ослободени од сите давачки, даноци и такси, вклучувајќи го и данокот на додадена вредност (ДДВ). Оттаму, единечните цени кои вклучуваат ДДВ нема да бидат прифатени.

Понудата се доставува до Национален младински совет на Македонија (ул.Вељко Влаховиќ 7/1- 1, 1000 Скопје) скенирана на е-поштa [email protected].

Како наслов на електронската порака наведете: ,„Апликација за ментор – BY LEAP – назив/име и презиме”.

Докумените во понудата доставени по е-пошта треба да се скенирани и со печат и потпис од одговорното лице/понудувачот (доколку е физичко лице).

Документацијата која се поднесува во копија треба да е заверена од понудувачот со печат и потпис од одговорното лице, со назнака „Верно на оргиналот“.

Понудата треба да се достави најдоцна до 25.04.2022 година (понеделник).

Целосниот повик е достапен тука.

*Сите понудувачи кои доставиле понуди кои ги исполнуваат условите ќе бидат разгледани од страна на евалуционата комисија и соодветно известени.

Повик за консултант за ученички и младински компании

Во рамки на проектот „Балкански млади: поврзување на едукацијата, способностите и партнерскиот потенцијал во регионалните практики за вработување“ отвораме Повик за консултант за ученички и младински компании.

За ангажманот:

Консултантот е потребно да подготви 2 акти кои ќе бидат прилагодени на националниот контекст во Северна Македонија, и тоа:

а) акт за регулирање на модел на ученичка компанија во Северна Македонија;
б) акт за регулирање на модел на младинска компанија во Северна Македонија.

Повеќе информации за консултантот за ученички и младински компании најдете тука.
Целосниот повик е достапен тука.
Сите потребни документи за аплицирање се достапни тука.

На повикот имаат право да се пријават сите заинтересирани правни и физички лица, а понудата се доставува до Национален младински совет на Македонија (ул.Вељко Влаховиќ 7/1- 1, 1000 Скопје) скенирана на е-поштa [email protected]. Како наслов на електронската порака наведете: „Апликација за консултант – By Leap – назив/име и презиме”.

Понудата треба да се достави во рок од 14 дена од датумот на објавување на повикот, не подоцна од 28.03.2022 година (вторник), до 16:00 часот.

Сите понудувачи кои доставиле понуди кои ги исполнуваат условите ќе бидат разгледани од страна на евалуционата комисија и соодветно известени.

Повик за правни субјекти за учество на Регионален младински саем за вработување

За саемот

Во склоп на проектот „МладиХаб – градење вештини за вработување, компетенции и можности за вмрежување на младите” ќе се одржи Регонален младински саем за вработување. 

Саемот ќе се одржи на 28.02.2022 (понеделник) од 10:30 до 15:30 часот во Скопје (местото на одржување ќе биде објавено наскоро). Регионалниот младински саем ќе биде зборно место на повеќе компании од  регионот кои работат во областа на информациските технологии, фармација, медицина, социјални услуги, формална и  неформална едукација, земјоделство, градежништво и инфрастурктура, маркетинг и односи со јавност.

Саемот е замислен како отворена платформа за градење вештини и компетенции за вработување на младите како и креирање на можности за нивно поврзување со работодавачите. Во таа насока во рамките на саемот се предвидени 3 активности, а Вие самите одлучувате дали сакате да се вклучите само во една или во сите активности:

  • Саем на компании – каде секоја компанија ќе има штанд на кој ќе може да ја претстави својата работа и професионалните можности кои ги нуди за млади

  • Speed date – каде компаниите и младите ќе имаат можност да се запознаат подобро и пофокусирано за краток временски период

  • Youth booth –  каде ќе може да се спроведуваат интервјуа во пријатна и приватна атмосфера, изолирано од самиот саем. Компаниите кои ќе се пријават за оваа активност ќе добијат листа на кандидати кои се пријавиле за истата и ќе можат да изберат кандидати со кои би сакале да им биде закажано интервју.

Услови и обврски за учество на саемот

Сите правни субјекти кои се заинтересирани за учество во Регионалниот младински саем за вработување треба

  • Да бидат од Скопскиот регион;

  • Да имаат регистрирано профил на платформата CareerHub

Начин на пријавување

За да учествувате на настанот, треба да го пополните формуларот за регистрација достапен на овој линк.
За сите дополнителни прашања и информации за настанот може да се обратите на [email protected] или на телефонскиот број +38978350531.

Рокот за пријавување е до 20.02.2022.