Онлајн дискусија: Моето тело не е табу тема!

Драги млади и поддржувачи на клубот Girl Up Skopje,

Ве покануваме на уште една наша дискусија посветена на сексуалното здравје и образование. Темата сама по себе во нашето општество е табу, но затоа заедно со Вас, на 14-ти април во 19:00 часот, преку дискусија ќе се потрудиме да преминеме преку стигмата за истата. Ќе имате шанса да го слушнете мислењето на говорници кои се експерти за оваа тема, но и шанса да го споделите Вашето мислење и знаење. Нашите гости Мери Цветковска од организацијата Хера и Валентина Дамчевска од средното медицинско училиште „Д-р Панче Караѓозов“, заедно со модераторката Орхидеа Симоновска од клубот Girl Up Skopje, со нетрпение Ве очекуваат вас, се со цел да ја прикажеме важноста на темата Сексуално и репродуктивно здравје.

Girl Up е невладина оранизација чија главна мисија е поддржување и зајакнување на девојчињата.
Во партнерство со Обединетите нации, работиме на програми кои ќе им помогнат на девојчињата да напредуваат и да ги имаат сите потребни алатки и вештини за да се успешни во својата заедница, а и пошироко.