Академијата за човекови права

Академијата на Институтот за човекови права
претставува онлајн платформа за Е-учење во доменот на човековите права на македонски јазик која претставува ефикасен и едноставен начин за стекнување теоретски знаења од областа на човековите права.

Академијата за човекови права е наменета за сите оние кои сакаат да ги прошират своите знаења од областа на човековите права. За регистрација на Академијата потребно е само да ги внесете своето име, презиме и меил адреса. Сите курсеви се бесплатни и се достапни на македонски јазик, а дел од курсевите се достапни и на албански јазик.

Во моментов на  Академијата на Институтот за човекови права веќе се регистрирани над 390 корисници и се издадени над 370 сертификати

Биди промената што сакаш да ја видиш и регистрирај се денес за да се стекнеш со нови знаења!

РЕГИСТРИРАЈ СЕ ТУКА!

Презентација на наоди – Една година студентски претставници : Анализа на работата на УСС/ФССС

Младински образовен форум (МОФ) со задоволство Ве поканува на презентацијата на наодите од истражувањето „Една година студентски претставници : Анализа на работата на студентските собранија при Универзитетот „Св.Кирил и Методиј“ – Скопје.
Предмет на истражувањето е работата на студентските собранија при Универзитетот „Св.Кирил и Методиј“, односно анализа на работата на факултетските студентски собранија и универзитетското студентско собрание.
На настанот ќе се презентираат наодите од истражувањето, а по презентацијата ќе следува панел-дискусија на која ќе се даде осврт на студентското организирање во изминатата година, квалитетот на нивната работа, перцепцијата на студентите во врска со истата но и перцепцијата на самите студентски претставници а во врска со нивната работа и проблемите со кои се соочуваа.
На настанот учество ќе земат:
Матеј Тројачанец, истражувач и автор на истражувањето
Борјан Ефтимов, Претседател на Универзитетското студентско собрание при Универзитетот „Св.Кирил и Методиј“ – Скопје.
Теа Мицевска, Студентска правобранителка при Универзитетот „Св.Кирил и Методиј“ – Скопје.
Петар Барлаковски, Програмски координатор во МОФ.
 
Панел дискусијата ќе биде модерирана од Даниел Евросимовски, новинар во РадиоМОФ.
Презентацијата и дискусијата може да ја следите во живо на Facebook или со приклучување на ZOOM на следниов линк https://us02web.zoom.us/j/85844277161
Со почит,
Тимот на МОФ

ЈАВЕН ПОВИК за избор на најдобра бизнис идеја и поддршка за започнување на бизнис

Центар за климатски промени објавува јавен повик за учество на млади лица во натпревар за најдобра бизнис идеја и поддршка за отпочнување бизнис. Најдобрите три апликации ќе бидат наградени и ќе добијат поддршка за започнување сопствен бизнис.
Повикот се отвара во рамките на проектот „Зголемување на иновативниот бизнис поврзани со море, животна средина и земјоделство и ИТ – (IBiSEAit)“, финансиран од ЕУ преку ИПА Програмата за прекугранична соработка Грција- Македонија 2014-2020. Повеќе информации за проектот на следниот линк.

 
1. Услови за учество

  • Право на учество имаат млади лица на возраст од 18 до 35 години,
  • Секој учесник на натпреварот има право да аплицира само со една апликација/бизнис идеја,
  • Најдобрите три апликации ќе имаат обврска во рок од еден месец да основаат ново претпријатие,
  • Новооснованото претпријатие потребно е да биде регистрирано на територијата на еден од следниот региони: Југоисточен, Пелагониски, Вардарски или Југозападен регион,
  • Освен индивидуалци на повикот може да се пријават и претпријатија кои се регистрирани во 2019 и 2020 година а кои имаат потреба од поддршка во развивање и водење на бизнисот,
  • Да ја презентираат бизнис идејата на завршениот настан организиран во рамките на проектот „Зголемување на иновативниот бизнис поврзани со море, животна средина и земјоделство и ИТ – (IBiSEAit)

 
2. Награда за селектираните идеи

Најдобрите три бизнис идеи ќе добијат:

  • Помош за регистрација на претпријатие (платени трошоци за регистрација и подготовка на потребна документација)
  • Изработка на веб сајт во WordPress со платен хостинг и домеин за 1 година
  • Платена ZOOM лиценца и cloud storage за една година
  • Платени сметководствени услуги за една година
  • Изработка на маркетинг план и промоција на социјални медиуми за три месеци
  • 1 компјутер и 1 принтер
  • Менторска поддршка за развивање бизнис план, развој и управување на претпријатието во период од 3 месеци
  • 1 година бесплатно членство во виртуелниот инкубатор

Сите 3 ново основани претпријатија ќе бидат дел од виртуелниот инкубатор во чии рамки ќе биде реализирана менторската поддршка од страна на менторите ангажирани преку ПСМ Фондација.

3. Критериуми за оценување

  • Бизнис идеја Концизен преглед на бизнис идејата, јасно идентификуван проблем и добро објаснет производ/услуга
  • Пазар

Целната група на бизнисот е јасно објаснета, идентификувани се најмалку три конкуренти и конкурентската предност дава доволно уверливост.

  • Маркетинг

Солиден преглед на маркетинг стратегијата. Детални информации за начинот на дистрибуција, промоција, цена и продажба.

  • Организација

Правна форма, човечки ресурси, потребна инфраструктура и опрема соодветно адресирани. Реалистичен план на поставени цели.

  • Финансиски план

Приходите и расходите се соодветно испланирани, опфатени се повеќе категории. Компанијата има реални изгледи да остварува профит.
 
4. Начин на пријавување

Сите заинтересирани млади лица кои ги исполнуваат критериумите потребно е да испратат пополнета апликација за бизнис идеја на [email protected] најдоцна до 10.03.2021 година.

Обуки за финансиска писменост

Со особена чест и задоволство Global Shapers Hub Skopje најавува ОБУКИ ЗА ФИНАНСИСКА ПИСМЕНОСТ во рамки на проектот за финансиска писменост на млади!

✅ Дали сакате повеќе да дознаете за личниот буџет, финансискиот систем, банките, инвестирањето, финансиската стабилност и многу друго?

✅ Дали сте млада личност која сака повеќе да дознае за светот на финансиите?

📈 Пријавете се! Едукативните обуки се бесплатни и ќе се одржат онлајн преку дигитална платформа секоја среда во март (3 март, 10 март, 17 март, 24 март и 31 март) со почеток во 19 часот.

📜 По успешно завршување на обуките следува и сертификат за учество на обуката.

👥 Обучувачите се членови на Глобал Шејперс Скопје Хаб и обучени тренери за „Финансиска едукација“ од страна на Народната Банка (НБРСМ).

👉 Пријавете се со едноставно пополнување на формуларот на следниот линк: https://forms.gle/QYMTB3h4H33C3s2w6

‼️ Рок за пријавување: 2 март 2021 година

Ве очекуваме! #ФинансискаПисменост