ПРИЈАВА ЗА ПРОМОТИВЕН МАТЕРИЈАЛ- ЗАСАДЕТЕ ЕКО-КАРТИЧКА СО ПРКОС

Националниот натпревар „Зелени идеи 2021“ е во тек, а ние повторно сакаме нашите садливи картички да ги споделиме со вас. Се што треба да направите за да добиете садлива картичка е да ги оставите вашите контакт информации преку пополнување на овој формулар. Потоа „АРНО“ ќе ви ја испрати картичката на вашата домашна адреса, ваша задача е да ја засадите (инструкции овде) и да ни пратите фотографии од цвеќето кога ќе никне.

Садливите картички како промотивен материјал се дел од приказната на натпреварот „Зелени идеи“ со кој АРНО ја шири својата зелена мисија.  Наместо да печатиме промотивен материјал со кој дополнително ќе ја загадуваме околината, ние се одлучивме да ги користиме услугите на Визарт кои рециклираат стара хартија и нудат избор на семе кое може да се вметне во самиот печатен и дизајниран примерок. Веќе неколку години по ред главен начин на промоција ни е токму преку садливите картички, преку кои сме особено препознатливи и поттикнуваме голем број на компании и здруженија да се приклучат на ваквиот еко начин на промовирање.

Погледнете дел од фотографиите од наша сограѓанка која мината година засади од нашите картички и нѐ израдува со шаренилото и успехот.

Во картичките за промоција на натпреварот „Зелени идеи“ се наоѓа семе на цвеќето пркос. Нашиот избор за ова растение е согласно симболиката на ова леснорастечко цвеќе-новите бизниси да пркосат на сите услови и да цветаат лесно и распространето.

Садливите картички ги добивате бесплатно, и ние се грижиме за испораката преку пошта. Вие треба само да ни пишете адреса на живеење и да посадите пркоси кога ќе стигнат. Се разбира можете да мислите и на некоја зелена бизнис идеја и да аплицирате на натпреварот оваа година кој што е во тек и завршува на 12-ти мај.

Мобилна гинеколошка амбуланта на ХЕРА

🟣 Ако живеете во рурална средина и имате ограничени услуги за сексуално и репродуктивно здравје или во место каде што воопшто немате пристап до вакви услуги, знајте дека постои Мобилната гинеколошка амбуланта на ХЕРА!
🟣 Сите гинеколошки услуги се бесплатни и доверливи! Со други зборови, не мора да имате лична идентификација или здравствено осигурување за да се прегледате.
🟣 Обратете ни се доколку имате потреба од ПАП тест, ЕХО преглед, мануелен преглед на карлица, мануелен преглед на гради, консултации и советување со гинеколог. Амбулантата е отворена и доколку сакате да добиете бесплатна орална контрацепција, терапија за сексуално преносливи инфекции, кондоми или аплицирање на спирала.
🟣 Прегледите ги извршува доктор-гинеколог заедно со акушерка, во согласност со протоколите за нудење услуги во мобилната гинеколошка амбуланта и за прием и нудење услуги во време на пандемија. Сите заштитни материјали ги обезбедуваме ние.
📝 Доколку сакате да дојдеме во вашето место на живеење или да дознаете повеќе за овој наш сервис, контактирајте нѐ на kristina.mihajlovska@hera.org.mk или (02) 329 0395.

ТЕКСТ

Повик за натпревар ЗЕЛЕНИ ИДЕИ 2021

Здружението за социјални иновации „АРНО“ вчера, 06.04.2021, го отвори повикот за натпреварот ЗЕЛЕНИ ИДЕИ 2021, кој ќе биде отворен до 12 мај 2021 година.

 

Сите граѓаните кои сметаат дека имаат идеја за зелен, одржлив бизнис можат да аплицираат на натпреварот „Зелени идеи“, а повеќе информации за самиот натпревар, критериумите и аплицирањето може да најдете на www.zeleniidei.mk .

 

Сите заинтересирани за аплицирање на натпреварот „Зелени идеи 2021“ може да пријават за учество на работилници на кои ќе можат да добијат соодветна обука за пополнување на апликацијата и на КАНВАС БИЗНИС МОДЕЛОТ.

 

1. Првата работилница ќе се одржи онлајн на 13.04.2021 (вторник) (10-14ч).

Заинтересираните кандидати за првата работилница можат да се пријават преку пополнување на формуларот на овој линкнајдоцна до 12-ти април 2021, 10:00 часот.

 

2. Втората работилница ќе се одржи онлајн  на 14.04.2021 (среда(10-14ч).

Заинтересираните кандидати за втората работилница можат да се пријават преку пополнување на формуларот на овој линкнајдоцна до 13-ти април 2021, 10:00 часот.

 

3. Третата работилница ќе се одржи онлајн на 17.04.2021 (10-14ч).

Заинтересираните кандидати за првата работилница можат да се пријават преку пополнување на формуларот на овој линкнајдоцна до 16-ти април 2021, 10:00 часот. 

 

4. Четвртата работилница ќе се одржи онлајн на 04.05.2021 (вторник) (10-14ч). (дополнително ќе се соопштат деталите за четвртата работилница)

 

Повеќе информации за работилниците, може да најдете ОВДЕ