Продолжен рок за галеријата на непобарани уметности

Добредојдовте во галеријата на непобарани уметности
 
Сакам да ви претставам еден концепт каде што жртвите на родово-базирано насилство, како и сексуално насилство и вознемирување ќе можат да ги споделат своите приказни. Ќе ги опфаќа личните доживувања на жртвите како и одредени предмети што ги потсетуваат на насилството (може да биде било што, облека, аксесоар, џебен солзавец – pepper spray, песна итн. ) Доколку немате предмет за донирање, исто така е во ред само и вашата приказна. 
Истите ќе бидат изложени во галерија за изложба наречена “The Museum I didn’t ask for”, кој и самите ќе можете да го посетите. Целта е да се подигне свесност и емпатија за овој проблем кој е присутен во голема мера во нашето општество. 
 
Споделувањето може да биде тешко, но исто така ослободува. Ослободува да знаете дека не сте сами и секогаш ќе имате поддршка. Може да го направите тоа на следниов линк, со име или анонимно, изборот е ваш. Повикот трае до 30.04.2021. -> https://forms.gle/oZU6WBPxHRB4ef1V6
 
Предметите може да ги доставите на Вељко Влаховиќ бр. 7/1-1, Скопје во канцелариите на Национален младински совет на Македонија секој работен ден лично, по пошта или да замолите некој да ги однесе наместо вас. 
 
Рокот за пријавување и доставување е до 30.04.2021.
 
Ќе ве замолам само јасно да наведете дека се за проектот “Radical Idea: EquALLity”.
 
Оваа активност е дел од “Radical idea: EquALLity” спроведувана од Linking, Engagement, Advocacy and Development – LEAD стипендистката Сашка Стефановска, финансиски поддржана од Проектот на УСАИД за граѓанско учество.

Специјалисти за општински буџети

Консалтинг за стратешки развој е компанија воспоставена во 2007 година во Македонија која испорачува широка лепеза услуги со цел исполнување на нашата мисија – да се создадат услови за успешен демократски напредок на луѓето и заедниците.

Консалтингот работи во 3 главни области: добро управување и децентрализација, родова еднаквост и локален економски развој преку дизајнирање и спроведување проекти, оценка на програми и проекти и истражување и анализи.

Специјалистот за општински буџети ќе биде задолжен/-а за:

  • 1. спроведување на програмските активности во рамките на тековните проекти кои ги реализира Консалтингот;
  • 2. учество во процесот на анализа на проценката на потребите на општините вклучени во проектите на Консалтингот;
  • 3. градење на организациските капацитетите на општините во планирање и извршување на општинскиот буџет и обезбедување на транспарентност на истиот;
  •  4. обезбедување на спроведувањето на законите за фискалната транспарентност на општините;
  • 5.  подобрување на внатрешните процедури и ревизорски практики на општините;
  •  6. воспоставување и одржување односи со партнерските општини, идентификување иновативни пристапи за пренос на знаење и искуства на јавната администрација и менторство;
  • 7.  изготвување потребни проектни документи (извештаи, дописи, описи на работни задачи и сл.),
  • 8. одржување контакти со проектни партнери, теренски посети за следење на активностите на општините и проектните активности.
  •  осмислување и реализација на обуки и активности за техничка помош на организации и институции (проценка на потреби, планови за градење капацитети, менторирање);
  • 9. учество во изготвување на истражувања, анализи, прирачници, евалуации;
  • 10. организирање и фасилитирање на настани и средби (обуки, средби за вмрежување, состаноци, посети на консултанти и сл.);
  • 11. координирање на работата со сите вклучени страни во проектите.

Потребни квалификации:

• завршено високо образование (економија, право и сл.);

• најмалку 5 години работно искуство со следење општински буџети,

• искуство во спроведување проекти во областа на развојот на заедниците/ граѓанското учество/јакнење на капацитетите на општините;

• познавање на процесот на децентрализација;

• одлична компјутерска писменост;

• одлично познавање на англискиот јазик (писмено и усно);

• поседување комуникациски, организациски и вештини за градење тим

• флексибилност и способност за работа под притисок и со кратки рокови;

• важечка возачка дозвола.

Заинтересираните за ова работно место се молат да испратат биографија и писмо за изразување интерес на англиски јазик по електронска пошта на следнава адреса:

e-mail: [email protected]

најдоцна до 20 април 2021.

Панел дискусија: Зошто (НЕ) учествуваме во креирање на политики?

Ве покануваме на нашиот следен настан „Зошто (НЕ) учествуваме во креирање на политики?“ на 22 април, четврток, со почеток од 20:00 часот, кој ќе може да го следите во живо на нашиот ФБ профил.
Ви ветуваме плодна дискусија со прекрасни луѓе – нашите панелисти, кои ќе ви ги презентираме во следните неколку денови.
🙌Доколку сакате да се вклучите во дискусијата, да споделите свое искуство и мислење може да се регистрирате на овој зум линк https://us02web.zoom.us/…/tZclceiurjIuHdcofiw4aO… и да учествувате на панел дискусијата, а доколку сакате да поставите прашање, тоа ќе можете да го направите и на настанот на ФБ во живо.
А, сега кратко за тоа што ќе се случува во четврток:
💬Ќе започнеме со одговарање на прашањата – што е тоа креирање на политики и како се донесуваат одлуките во врска со алармантните случувања, како што се климатската криза, долгорочна климатска стратегија и ќе зборуваме за примери на начини на креирање на политики на национално ниво.
💬Разговорите на оваа панел дискусија ќе ги продлабочиме заедно со нашите гости, панелисти со темата што случува кај нас и зошто луѓето, заедниците, граѓанскиот сектор (не) се приклучуваат на јавните расправи каде што се презентираат официјални документи врз кои се носат политики.
💬Ќе зборуваме за тоа кој одлучува за нашите заедници и кој управува со нашите природни добра, со што ќе допреме до моменталните социо-еколошки и политички кризи кои се случуваат секојдневно кај нас. ✊
👀 Следете нѐ и се гледаме во четврток!