Day: July 1, 2021

Posted on

ЕКО ЛОГИК го проширува својот тим

“ЕКО ЛОГИК” го проширува својот тим!

Имаме потреба од:

*Проектен Асистент* и *Административен работник*

Доколку сте заинтересирани, погледнете ги деталите наведени во огласот подолу.

Ве очекуваме, и среќно!

Posted on

Повик за учесници на тренинг курс

Повик за млади кои живеат во руралните области во битолскиот регион, на возраст од 15-23 години и се мотивирани да станат активни граѓани во нивните заедници, да учествуваат на тренинг курс во склоп на проектот Рурални Херои!
ДАТУМ: 19-24 јули
ЛОКАЦИЈА : Битола
УЧЕСНИЦИ: 20 учесници
ВОЗРАСТ: 15 – 23
Целта на овoј проект е да го поддржи градењето на капацитетите на локалната младина во руралните области во Општина Битола, преку вклучување во дизајнирање на локални активности, промовирање на активно граѓанство и учество во активности за донесување одлуки.
За проектот :
РУРАЛНИ ХЕРОИ е проект финансиран од Совет на Европа, кој има за цел да ги зајакне компетенциите на младите од оддалечените рурални области на општина Битола и да им помогне да станат активни граѓани и преку стекнување на нови вештини и алатки за тоа како да промовираат активно учество на руралните млади во процесот на донесување одлуки на локално ниво.
Активности на проектот:
-Обука за 20 заинтересирани млади луѓе
-Локални активности во 5 села во општина Битола
-Студиска посета на советот на општина Битола
-Дискусија со носители на одлуки од општина и локалната агенција за економски развој од регионот на Пелагонија
-Креирање на документ со препораки од младите кои живеат во руралните средини за подобрување на животот на младите во истите
За повеќе информации и апликација за проектот, пратете ни емаил на [email protected] со наслов Рурални Херои.
Posted on

ПРЕТПРИЕМАЧКА АГОРА: МЛАДИТЕ АЛХЕМИЧАРИ НА НАШЕТО ВРЕМЕ

„Агорите“ отсекогаш биле познати како хабови на знаење, тестирање и инспирација. Оваа година, Младиинфо Интернационал и Младите можат (Скопје), Порака Нова (Струга) и YEP (Гостивар) со задоволство ве покануваат на еден друг вид на агора, претприемничко дружење посветено на младите. Ви ветуваме виртуелен простор поголем од која било реална агора, без сообраќаен метеж и за разлика од традиционалните агори, место кадешто може да настапат многу жени. Ќе се погрижиме сите да бидат доволно застапени: политичари, филозофи, претприемачи, научници, дури и поети. Придружете ни се, да направиме бреинсторминг, да си замислиме, да креираме и да ја рашириме моќната младешка магија со нас. Агората се организира во рамки на проектот Зошто не јас 2.0? (Why Not Me 2.0?).
Повеќе детали околу агендата, следуваат наскоро!
Линк за регистрација: https://hopin.com/events/c6c64b36-0b97-4bd8-88d4-71aed691d19f?fbclid=IwAR3mbL26Uq7g35lVWFcjnsJiiys-QnlJ5_0R4_sSAmyuJCMtD_m-L1Y_l4g

Целта на проектот Зошто не јас 2.0? (Why Not Me 2.0?), а со тоа и на самите вебинари кои ќе се организираат е охрабрување на младите луѓе во С.Македонија да започнат свои бизниси, можностите и стимулациите за започнување и водење успешни деловни активности и да ги информира претприемачите кои се почетници за можностите да ги зајакнат и прилагодат своите бизниси кон новонастанатите околности. Проектот Зошто не јас 2.0? (Why Not Me 2.0?) е поддржан од Амбасадата на САД во Скопје.

Posted on

Оглас за вработување на ИТ специјалист

Основни информации

Фондацијата за интернет и општество „Метаморфозис“ има за цел да ја зајакнува свесноста и капацитетот на граѓаните и граѓанското општество за тие да ја преземат најдобрата можна улога како активисти за демократија, поддржувајќи ја власта да ја исполни нејзината демократска улога – да работи во служба на општеството.

За поддршка на своите секојдневни програмски и проектни активности Фондацијата „Метаморфозис“ ќе ангражира ИТ специјалист.

Одговорности на ИТ специјалистот

  • Да ја одржува постоечката локална ИКТ инфраструктура на Фондацијата како и да нуди нови решенија за поефикасна и побезбедна работа
  • Одржување на веб сајтовите кои припаѓаат на Фондацијата „Метаморфозис“
  • Одржување на веб серверите на Фондацијата „Метаморфозис“
  • Одржување обуки од доменот на ИКТ Поддршка во набавките на ИКТ опрема и услуги
  • Да соработува со колегите во „Метаморфозис“ за целокупно успешно спроведување на проектите и програмските активности.

ИТ специјалистот ќе одговара директно пред Програмскиот директор.

Потребни услови и лични вештини

  • Завршено високо образование
  • Напредно познавање на O365
  • Искуство со веб-дизајн Искуство со администрација на веб сервер
  • Искуство со давање обуки или презентации ќе се смета како предност
  • Спремност за службени патувања во земјата и/или странство.

Вид ангажман

ИТ специјалистот ќе биде вработен/а на определено време од 1 година и со можност за продолжување на договорот.

Услови за пријавување

Заинтересираните кандидати/тки што ги исполнуваат горенаведените услови треба да испратат работна биографија (CV) и кусо писмо за интерес. Пријавите треба да бидат пратени по е-пошта на [email protected] до 06.07.2021 година.

Само кандидатите што ќе влезат во потесен избор ќе бидат контактирани за интервју.

Фондацијата „Метаморфозис“ нуди еднакви можности за сите заинтересирани и не дискриминира по ниту една основа при вработувањето.

Posted on

ЈАВЕН ПОВИК ЗА ОБРАЗОВНИ АСИСТЕНТИ ВО КАРПОШ

Сите заинтересирани кандидатки и кандидати кои се заинтересирани да работат како образовни асистенти во основните општински училишта во Карпош може да поднесат барање до Основно училиште со ресурен центар „„Д-р Златан Сремец “ Скопје.
Апликациите, односно барањата со пројавен интерес може да го поднесат во ова училиште заклучно со 2 јули 2021 година, на адреса ОУРЦ „Д-р Златан Сремец “ Скопје, ул„Емил Зола “ бр.5, Скопје или по електронски пат на [email protected]
со назнака Изјавување на интерес за образовен асистент.
За подетални информации Ве молиме да не контактирате на 02 277 0446.
Инаку, Општина Карпош досега беше општина со најголем број ангажирани образовни асистенти кои работеа со децата со посебни потреби кои се вклучени во наставниот процес во училиштата во оваа локална самоуправа.

Главна навигација

Категории

Следете ги новостите

Изработено од WebDuo.mk

© Сите права се задржани - Национален младински совет на Македонија

Facebook-f Instagram Twitter