Инфо-сесија за предизвик – Портал за отворени општини

Здружението за истражување и анализи, ЗМАИ од Скопје во соработка со Фондот за иновации и технолошки развој за првпат организира Предизвик за создавање на платформа за отворени општини.
Предизвикот ќе се одржи од 14 до 17 декември 2020 година, а пријавувањето ќе трае до 10 декември 2020 год.
Предизвикот ќе се одржи виртуелно и секој може да учествува независно од тоа каде се наоѓа. За победниците на предизвикот следува награда во износ од 500,000 денари.
Повеќе детали за предизвикот дознајте за време на инфо сесијата која ќе се одржи на 4 декември, со почеток во 10:00 часот.
Линкот за вклучување на инфо-сесијата е https://zoom.us/j/91973741095…
Meeting ID: 919 7374 1095
Passcode: 687248
Ве очекуваме!

ПОВИК ЗА НАСТАВНИЦИ: Сесија за користење на дигитални алатки и платформи

Во рамки на програмата „Инспирирај развој” објавуваме повик за наставници кои сакаат да ги подобрат своите дигитални вештини и да стекнат знаење за користење на нови алатки.

Сесијата ќе биде организирана на 09 декември од 18.00 до 20.00 на платформата ЗУМ.

Сесијата е дел од програмата „Инспирирај развој” на која 40 наставници ги зајакнаа своите дигитални вештини и истите ги дисеминираат за други наставници од нашата земја.

Сесијата ќе биде водена од страна на Желеанка Демирова, наставник во средното училиште „Методи Митевски-Брицо” од Делчево.

 

Што ќе опфати сесијата?

1. Алатки за интеракција и водење на час (Jamboard, Padlet, Quizlet, Forms)
2. MS Teams (Assignments, Forms, Wiki, ClassNote)

Пријавување за сесијата е отворено до 06.12, преку пријава на следниот ЛИНК.

Ќе бидат прифатени првите 30 пријавени учесници.

Сесијата е организина од страна на Здружението Лидери за едукација, активизам и развој и Фондацијата Конрад Аденауер.

Повик за Млади амбасадори за климатски промени

Гоу Грин во рамки на проектот „Млади амбасадори за климатски промени“ објавува повик за 20 млади амбасадори. Кандидатите треба да се на возраст од 16-21 гоидна, како и да имаат интерес во областа на климатската дипломатија и COP26.

Проектот „Млади амбасадори за климатски промени“ има за цел да ги едуцира младите за климатска дипломатија, да креираат младински барања за климатски промени и да ја развие свеста во земјата за важноста од амбициозни цели за Конференцијата за климатски промени на ООН (COP).

Младите амбасадори:
✔ ќе научат што е климатска дипломатија на онлајн курсот за Климатска Дипломатија 17-19 декември 2020
✔ ќе научат како се преговара и донесуваат договори при симулација на Конференцијата за климатски промени на ООН (COP26) во февруари
✔ ќе бидат гласот на младите за климатските промени

Краен рок за пријавување: 6 декември 2020
Интервју: 7-9 декември 2020

Заинетресираните може да се пријават тука.

За било  какви прашања, обратете се кај [email protected]

ПРОДОЛЖЕН ПОВИК ЗА ОБУЧУВАЧ ЗА ОБУКА ЗА КРЕИРАЊЕ ПОЛИТИКИ

Опис на проектот

Балкански млади: поврзување на едукацијата, способностите и партнерскиот потенцијал во регионалните практики за вработување е меѓународен проект кој се спроведува во Белгија, Црна Гора, Турција Босна и Херцеговина, Албанија, Србија и Северна Македонија.

Главната цел на проектот е да придонесе за младински претприемачки можности и да ги зајакне перспективите за вработување на младите од Западен Балкан.

Главни активности на проектот се: национални конференции за претприемништво, обуки за градење на капацитети, вебинари и менторство на граѓански организации, промоција на учеството на студентските компании во образовните системи на Западен Балкан, регионален документ за јавни политики, job shadowing за граѓански организации, студиска посета. Преку овој проект ќе има можност и за менторирање и субгрантирање на граѓански организации и студентски компании.

Таргет групи на проектот се студентски компании, млади лица и студенти, граѓански организации, наставници, средни училишта, парламенти, стопански комори и носители на одлуки.

Проектот започна да се имплементира во март 2020 година, а ќе трае до февруари 2023 година.

Во склоп на проектот е предвидено да се реализираат три тридневни обуки за претставници на граѓански организации, меѓу кои и обука за креирање политики.
Датите за обуката ќе се договорат во консултација со избраниот обучувач.

Обуката е предвидено да  се реализира електронски, преку платформата ZOOM. Работниот јазик на обуката ќе биде македонски јазик.

Повеќе информации за проектот, обуките и начинот на аплицирање може да најдете ТУКА.

Рок за аплицирање: петок (04.12.2020) најдоцна до 16:00 часот.

Подемот на вештачката интелигенција – предизвик за правниот поредок – Конференција

На наше огромно задоволство, ЕЛСА Северна Македонија во соработка со Студентски Парламент ФИНКИ Ве покануваме на нашата заедничката конференција на тема “Подемот на вештачката интелигенција – предизвик за правниот поредок”.

Истата ќе ги опфати модерните тенденции и предизвиците од вештачката интелигенција. 
Дали може и дали треба да се ограничи напредокот на науката и технологијата за да не го надвладее човекот?
За моралните етички или правни проблеми и за остварувањето на основните човекови права во интернет просторот дознајте повеќе на ZOOM линкот кој ќе биде поставен на самиот ден.
*Учеството е бесплатно за сите! *
Предавачите ќе бидат објавени наскоро.
Ве очекуваме !

Кампања за човековите права

Со големо задоволство Ве покануваме да бидете дел од нашата претстојна Кампања за човекови права.
Во рамки на Кампањата ќе бидат одржани 2 конференции и 3 работилници на различни теми кои имаат за цел да го зголемат знаењето од областа на човековите права а поткрепено со практични вештини.
Обуките ќе се одржат од 05.12.2020 до 15.12.2020 на платформата ZOOM.
Модулите се следните:
05.12.2020-Општа конференција за човекоите орава
07.12.2020-Практичен ден на човековите права
11.12.2020-Moot court работилница 1
14.12.2020-Moot court работилница 2
15.12.2020-Oбука за пишување правни акти до ЕСЧП.
Учеството на Кампањата за човекови права е 500 денари, а за членовите на ЕЛСА Северна Македонија истата е бесплатна. За секој учесник следува сертификат. Сите заинтересирани може да го пријават своето учество до 04.12.2020 на следната e-mail адреса: [email protected]

Кажи! Верувај! Активирај се! – Јавна дискусија за волонтеризам и активизам

Деновиве кружат мубаети и објави дека нашиот merch има посебна позадинска приказна. Нешто се зборува дека со неговото купување допринесуваш кон реализација на иницијативи за млади. Секако, точно е.
🤗 За да ти покажеме на кој начин сме го правеле тоа до сега и како ќе продолжиме да го правиме истото приклучи ни се на 5ти декември, денот на волонтерсвото.
📢 Заедно со неколку волонтери ќе дискутираме за:
🟨 волонтерските активности и можности
🟦 реализација на нивните иницијативи
🟨 каква поддршка им требала најмногу во тие моменти.
🗯 Преку интерактивна диксуија, ќе имаш можност да поставиш прашање за се што те интересира за волонтирањето и да ја разјасниш секоја дилема околу твоето вклучување, без разлика дали е директно или индиректно.
И ако си купиш нешто пред настанот, ќе имаш можност директно да учествуваш во персонализацијата на merch-от што си го нарачал/а. Нашите пријатели од Партизан принт ќе ти овозможат вклучување и мини едукација во целиот процес на сито печатење.
📅 Датум: 5ти декември (сабота)
🕐 Време: 13:00 – 15:00 часот
📍 Локација: ZOOM
🗣️Ако сакаш да учествуваш на настанот, пријави се на линкот подолу, следи го твојот е-меил и ФБ настанот за дополнителни информации за приклучување.
✍️Линк за пријава: https://forms.gle/M2rWZzRvHuFmDVD1A
 
*Проектот е имплементиран од Здружение на граѓани Младите можат, а поддржан од германската фондација Schuler Helfen Leben.

Повик за две викенд-обуки

Објавуваме повик за две викенд-обуки по #ССО во декември!
📅 Првата ќе се одржи на 12/13 декември > https://bit.ly/2JnJYAc
📅 Втората ќе се одржи на 19/20 декември > https://bit.ly/39i4i12

ℹ️ И двете ќе бидат онлајн, и двете се отворени за млади.
Ако ви фаќа око, пријавете се најдоцна до 4 декември.

Повик за обука за комуникациски вештини

Комуникациските вештини и јавното говорење се клучна алатка за личен и професионален равој на една млада личност.

Со оваа обука ќе научите која е улогата на комуникацијата и комуникациските стилови, унапредување на вештините за слушање, ефективно јавно говорење и презентирање, невербална комуникација, пишана комуникација, вербална агресија и конфликти, етика во комуникација и многу друго!

Аплицирајте на следниов линк.
За да добиете пристап до оваа обука, општокорисната работа би била садење на дрва на јавна површина или креирање и уредување на 3 статии на Wikipedia на македонски јазик