ОТВОРЕН ПОВИК ЗА МЛАДИ КОРЕОГРАФИ ЗА ТАНЦ ФЕСТ

Танц Фест 2021 отвори повик за млади кореографи, чии продукции можат да бидат дел од годинешната програма, која ќе се одржи од 1 до 6 јуни 2021, на повеќе отворени сцени низ градот Скопје.

Право на учество имаат млади кореографи (до 35 години старост), темата и бројот на учесници е според нивен избор. 
Времетраењето на делата не е лимитирано.

Доколку имаат видео од завршена претстава, не постара од 2020 година, треба да ни испратат линк. 
Доколку делото е во процес на создавање, треба да испратат комплетна информација за содржината, број на учесници, времетраење и технички потреби за изведба на делото.

Пријавата треба да содржи:
Наслов на делото
Автор на кореографија
Автор на музика
Автор на сцена
Автор на костими
Автор на видеоматеријали (доколку има)
Имиња на изведувачи
Времетраење на делото
Име на продуцент на делото
Време и место на премиерна изведба
Линк до видео снимка (доколку е завршена претставата)

Вашите пријави испратете ги најдоцна до 27.04.2021 до 16ч., на нашата маил адреса: [email protected]

Изборот на претстави ќе се објави најдоцна до 11 мај 2021.
Одбраните претстави ќе бидат прикажани во програмата на фестивалот, за што ќе се склучи посебен договор со продуцентите на делата.

Непотполни пријави нема да бидат земени во обзир. Сите пријави кои ќе пристигнат по истекот на назначениот рок, нема да бидат земени во обзир.

 

Како го преживеав Covid 19?: Перспективите на отпорните и адаптивни бизниси за млади

Асоцијација за едукација Младиинфо Интернационал во рамки на проектот Зошто не јас 2.0? (Why Not Me 2.0?) го организира првиот вебинар на 22 април во 16 часот преку ZOOM платформата, на тема: Како го преживеав Covid 19?: Перспективите на отпорните и адаптивни бизниси за млади претприемачи. Говорници ќе бидат млади претприемачи ќе ги споделат своите приказни за водењето бизниси во време на светска пандемија. Говорниците ќе го споделат своето знаење, искуство кои се надеваме дека ќе помогнат и ќе бидат од корист за многу други млади луѓе во С.Македонија кои би биле охрабрени да најдат решенија за адаптација и градење на отпорни идни или тековни бизниси, за време на кризи како што е оваа со Covid – 19.
Говорници на настанот се:
-Игор Изотов – раководител за истражувања AccLab, UNDP ;
-Верица Јорданова – портал inovativnost.mk;
-Драган Јосифовски – директор на paket.mk;
-Виктор Насков – сопственик на бутик хотел Ванила.
Модератор на настанот е Јован Сталевски, ЦЕФЕ Македонија.
Целта на проектот Зошто не јас 2.0? (Why Not Me 2.0?), а со тоа и на самите вебинари кои ќе се организираат е охрабрување на младите луѓе во С.Македонија да започнат свои бизниси, можностите и стимулациите за започнување и водење успешни деловни активности и да ги информира претприемачите кои се почетници за можностите да ги зајакнат и прилагодат своите бизниси кон новонастанатите околности. Проектот Зошто не јас 2.0? (Why Not Me 2.0?) е поддржан од Амбасадата на САД во Скопје