April 25, 2023 - Mladi.mk

По неколку години пауза, на 03.05.2023 година (среда), од 12:00 – 17:00 часот на Градежниот факултет при Универзитетот „Св. Кирил и Методиј“ во Скопје, ќе се одржи Станица: Студентска 8, целодневен настан наменет за студенти, но и сите останати заинтересирани млади.

Предвидени се отворени предавања на интересни и актуелни теми, како вештачка интелигенција, започнување на свој бизнис, права при контакт со полиција, како е да се биде млад автор, како и помирување и градење на мирот во регионот.

Дополнително, ќе се одржат и работилници за цртање на платнени торби, одржување на велосипеди и истражување на пештерите низ нашата земја.

Настанот е во организација на Младинскиот образовен форум (МОФ) и Регионалната канцеларија за младинска соработка (RYCO), со поддршка од Универзитетското студентско собрание при Универзитетот „Св. Кирил и Методиј“ во Скопје (УСС-УКИМ)

Фејсбук настанот можете да го погледнете тука.

Агенда за настанот:

I Предавања
ПРВ ДЕЛ 12:00 – 13:00 часот
ПЕРОН 1: Првите чекори за отпочнување на глобален стартап од Македонија – Игор Маџов, Претседател на Стартап Македонија и ко-основач на Nest-Group
ПЕРОН 2: Потенцијали и ризици на вештачката интелигенција и Chat GPT – Проф. Ѓорѓи Маџаров, Професор на Факултетот за информатички науки и компјутерско инженерство (ФИНКИ)
ПАУЗА 13:00 – 13:30 часот
ВТОР ДЕЛ 13:30 – 14:30 часот
ПЕРОН 1: Градење на мир и помирување: Од Украина до Балканот – Проф. Ана Чупеска, Професорка на Правниот факултет „Јустинијан Први“
ПЕРОН 2: Писателствувањето како процес и бидувањето писател во Македонија – Јован Илиески, писател и психолог
ПАУЗА 14:30 – 15:00 часот
ТРЕТ ДЕЛ 15:00 – 16:00 часот
ПЕРОН 1: Права и должности на млади при контакт со полиција – Јанаки Митровски, адвокат
ПЕРОН 2: Спелеологијата и пештерите во Македонија – можност и предизвик за млади истражувачи од различни области – Александар Стојаноски, апсолвент на Институт за географија при ПМФ, спелеолог

II Работилници
12:00 – 14:00 часот
ПЕРОН 3: Велосипедска работилница на отворено – Педала
15:00 – 17:00 часот
ПЕРОН 4: Работилница за цртање на платнени торби – Ана Трајковска, визуелна уметница
12:00 – 17:00 часот
ПЕРОН 5: Саем на организации
15:00 – 17:00 часот
ПЕРОН 6: Chill zone со DJ set

Младински образовен форум (МОФ) во партнерство со Фондот за население на Обединетите нации – УНФПА, во рамки на регионалниот проект “Млади за инклузија, еднаквост и доверба“, отвора повик за 20 млади лица од Општините: Велес, Битола, Струга, Охрид и Гостивар (по 4 од секоја општина), на возраст од 18 до 29 години, кои ќе учествуваат на четиридневна обука за обучувачи на теми поврзани со поттикнување конструктивни наративи, соработка, меѓукултурен дијалог, меѓусебно разбирање и доверба. Обуката ќе се реализира по Y-PEER методологија (врсници обучуваат врсници) со прирачник за обучувачи.

Лицата кои ќе учествуваат ќе се стекнат со знаења за работа со млади и за време на обуката ќе обработуваат теми кои вклучуваат: поттикнување конструктивни наративи, соработка, меѓукултурен дијалог, меѓусебно разбирање и доверба.

Kористејќи ги новостекнатите знаења и вештини, учесниците ќе продолжат да работат со млади во нивната локална заедница со цел споделување на знаењата и вештините преку реализирање на локални работилници за млади во петте општини: Велес, Битола, Струга, Охрид и Гостивар. Работниот јазик на обуката за обучувачи ќе биде македонски, со консекутивен превод на албански јазик и обратно, според потребите на учесниците.

Обуката е предвидена да се спроведе во периодот од 12 до 15 мај 2023 година. Повикот е отворен до среда, 3 мај 2023 година, (23:59 часот).

Пријавете се на овој линк.

Day: April 25, 2023

Станица: Студентска 8 – целодневен настан наменет за студенти, но и за сите останати заинтересирани млади

Главна навигација

Категории

Следете ги новостите

Изработено од WebDuo.mk