Какви можности нуди дигитализацијата на образованието и до каде е стигната дигиталната трансфoрмација на образовниот систем во земјава? Какви електронски алатки и услуги се користат во средно, а какви во високото образование? Дали наставниците, учениците, но и родителите воопшто се подготвени за дигитална трансформација на образованието? Има ли државата стратегија и кои се најголемите предизвици со кои се соочува системот кога во прашање е дигитализирање на образовните услуги и програми?
Ова се дел од прашањата кои ќе бидат опфатени на дебатата во организација на Фондација Метаморфозис на тема „Дигитализација во образованието“ на 16 март (четврток) во Јавна соба во Скопје, со почеток од 18:00 часот.
Настанот е од отворен тип и на истиот се очекува да присуствуваат млади лица. Сите заинтересирани страни се повикани да го пополнат формуларот за регистрација.
Повеќе информации се достапни тука.
