Младински образовен форум (МОФ) отвора Повик за млади истражувачи во рамки на Активноста на УСАИД за млади кои активно создаваат можности.
Избраните апликанти ќе добијат стипендии и ќе имаат можност да спроведат истражувачки трудови под менторство на искусни истражувачи.
Исто така, младите истражувачи ќе посетат тридневна онлајн обука на која ќе се запознаат со основите на академското пишување, истражувачките методи и методи за застапување.
Претходно искуство во спроведување истражувања не е потребно.
За учество апликантите треба да ги исполнат следните услови:
- да се студенти или дипломирани лица на возраст од 19 до 26 години;
- да покажуваат интерес во истражувања во областите важни за младите – образование; вработување и економски можности за млади; активизам и волонтерство; младинско учество; животна средина; антикорупција;
- да се во можност да посетат тридневна онлајн обука за млади истражувачи што ќе се одржува во период 24 ноември (петок) – 26 ноември (недела);
- да се во можност да работат во тим и учествуваат во истражувањето со поддршка од ментор во периодот од декември 2023 до март 2024;
- да го финализираат истражувањето до 20 март 2024;
- да го презентираат своето истражување на завршниот настан организиран од МОФ.
Сите заинтересирани можат да се пријават до 19 ноември (недела) 2023 година со пополнување на ОВOJ ФОРМУЛАР.
Сите заинтересирани апликанти кои имаат прашања, потреба од консултација или појаснувања за повикот можат да нè контактираат на [email protected].
Програмата се спроведува во рамки на Активноста на УСАИД за млади кои активно создаваат можности, имплементирана од Унапредување на економиите за посилни заедници, во партнерство со Младински образовен форум и Центар за претприемачи и развој на менаџери (CEED Hub) Скопје. Мислењата изразени на оваа веб страница им припаѓаат на авторите и не ги изразуваат ставовите на УСАИД или на Владата на Соединетите Американски Држави (САД).
