Во деветтата епизода од поткастот „Знам, делувам, креирам – Од младите за младите“, што го реализира Здружението за меѓународна младинска соработка Интерактив – Битола, гостин е младиот европски амбасадор Дамјан Златановски.
Со Дамјан разговаравме за улогата на младите европски амбасадори и активностите што ги спроведуваат преку Мрежата на млади европски амбасадори на Западен Балкан.
Оваа активност е дел од проектот „Заедници инклузивни за млади“, кој го спроведуваат Националниот младински совет на Македонија – НМСМ, во партнерство со Фондација за развој на локалната заедница – Штип, SFERA International Битола и Платформа за младинско јакнење ЈЕП – Гостивар, со финансиска поддршка од Европската Унија. Главната цел на проектот е подобрување на локалното владеење преку зголемена инклузивност и општествено влијание на младите во локалниот демократски живот.
Поткастот е достапен на Spotify каналот на Здружението за меѓународна младинска соработка Интерактив – Битола.
