Day: July 21, 2021

Posted on

Млади и функционери: Што можеме заедно за Крушево?

Што можеме ние младите да направиме за Крушево? Што можеме заедно со градоначалникот, советниците, политичките партии и други локални фактори?

Да се собереме на едно место и да разговараме за нашите секојдневни проблеми, нивни потенцијални решенија и предлог проекти кои сакаме да се реализираат.

📌 Локација: Летна сцена, Гумење
⏰ Дата и време: 25 јули (сабота) со почеток во 17:30 часот

Оваа работилница е од неформален тип. Ќе започнеме со мало „загревање“ со ди џеј настап. Во 18 продолжуваме со дискусија за проблеми, а потоа и решенија кои ќе произлезат од присутните. На крајот следи закуска и продолжување на дружба со ди џеј.

Гости на настанот ќе бидат екипата на емисијата „360 степени“ кои ќе го проследат настанот и за истиот ќе направат ТВ прилог.

Работилницата е дел од иницијативата Од млади за млади која ја спроведува Sotir Gabeloski, учесник на Академијата за јавни политики.

Крајната цел е да се креира документ со предлог проекти за млади, за потоа младите да лобираат проектите да влезат во годишната програма за работа на општината и предизборните програми на локалните избори.

#ElectoralReforms #ChinMK#ИзборниРеформи #ReformatZgjedhore

Posted on

Конкурс за дизајн на лого

Конкурс за избор на лого!

Младинскиот центар – Кавадарци објавува конкурс за избор на лого на младинскиот центар. Логото треба да биде оригинално, интересно за младите, да ги претставува младинската работа и младите од локалната заедница. Логото треба да е во формат JPG или PNG. Сите логоа кои ќе бидат примени остануваат во сопственост на младинскиот центар. Логоата кои ќе бидат копирани од други места или постоечки логоа нема да бидат земени во предвид. За најдоброто лого предвидена е парична награда од 6000 денари.

Конкурсот е отворен за сите млади од општина Кавадарци на возраст од 15 до 29 години. Ги повикуваме сите млади кои сакаат да ја изразат својата креативност, а нивното делo во иднина да го претставува Младинскиот центар – Кавадарци да ни ги пратат своите идеи за лого најдоцна до 20ти Август на следниот мејл: [email protected]
За повеќе информации обратете се во Младинскиот центар – Кавадарци, лоциран на последниот кат во зградата над библиотеката Феткин.
Работното време на центарот е од 11:00 до 13:00 и од 16:30 до 21:30 часот.
Posted on

Повик за младинска размена “Digital Youth“

Здружението за едукација и тренинг ЦЕТ ПЛАТФОРМА – Скопје објавува отворен повик за 5 млади лица и 1 младински лидер за Еразмус+ младинска размена „Digital Youth“, која ќе се одржи во Гудевица (Смољан), Бугарија од 9-ти до 19-ти август 2021 година.

Проектот „Digital Youth“ цели кон позитивно влијание на односот помеѓу младинското лидерство, младинската работа и неформалното образование со тоа што ќе им овозможи на младите луѓе кои сакаат да се развиваат во областа на волонтирањето, младинските иницијативи, образованието и социјалната работа со младите да се запознаат со принципите, механизмите и можностите за младинска работа. 

Главната цел на проектот е да им обезбеди на младите широк поглед на полето на инклузија на младите и да создаде позитивен став кон примената на принципите на неформалното учење во развојот на клучните компетенции и личен развој на младите.

Во проектот ќе учествуваат 36 млади луѓе на возраст од 18 до 30 години од С. Македонија, Романија, Италија, Португалија, Хрватска и Бугарија.

Услови за учество:

  • Учесниците треба да се на возраст од 18 до 30 години
  • Младинскиот лидер/ка треба да биде постар/а од 21 година (без краен лимит) и да има искуство со младински проекти и програмата Еразмус+
  • Способност за добра комуникација на англиски јазик кој е работен јазик за време на размената
  • Мотивираност и подготвеност за учество во сите активности на проектот, вклучувајќи и активности по проектот
  • Согласност да се почитуваат сите правила за проектот поставени од организаторите (види во Инфопак)

Сите трошоци за сместување и храна, како и патните трошоци (до максимум 180€) се целосно покриени од организаторите. Постои можност и организаторите да го организираат превозот со комбе од Скопје до местото на проектот. Доколку се потребни негативни ПЦР или брзи тестови за влез во Бугарија, трошоците за истите ќе бидат рефундирани од страна на организаторите. Рефундацијата на сите трошоци ќе биде направена за време на младинската размена во кеш во евра.

Одбраните учесници ќе треба да уплатат 600 денари на сметка на здружението како котизација за учество.

Доколку сте заинтересирани да учествувате на младинската размена, најпрво внимателно прочитајте го инфопакот за проектот, па потоа пополнете го апликациониот формулар. Ве молиме да аплицирате само доколку сте 100% сигурни дека сте слободни да патувате и учествувате на проектните активности за време на планираните дати!

Доколку имате прашање или нејаснотии, контактирајте не на [email protected] со назнака (subject) „Младинска размена во Гудевица“.

ИНФОПАК
 
АПЛИКАЦИОНЕН ФОРМУЛАР
Posted on

Младински дигитален еко активизам за ЗЕЛЕНИ ОПШТИНИ

Младите се пасивни кога станува збор за демократските процеси, поради недостаток на доверба во институциите и тесен простор за да се слушне нивниот глас. Општините како Карпош, Кисела Вода, Аеродром, Прилеп, Битола и Куманово се едни од најзагадените и имаат проблеми со управувањето на отпадот или зголемената урбанизација и транспорт, што доведува до недостаток на зеленило и шуми. Локалните избори за градоначалници во С. Македонија се одлична можност за граѓански ангажман за озеленување на општините.

Со локалните избори оваа година, ние сакаме да ги вклучиме младите во замислувањето на процесот за зелените општини – и она што тие би сакале да го видат за 4 години од сега.

Преку проектот младите ќе создадат заложби за зелени општини и ќе се изврши притисок од јавноста кон политичките партии и кандидатите за градоначалници да размислуваат и да им дадат приоритет на мерките за подобрување на животната средина и квалитетот на воздухот. Со овој проект ќе им се покаже на младите дека има демократски алатки за вклучување во јавниот дискурс и дека можат да направат промена.

Драги млади, 

 Доколку имате идеја за некаква проемена што би сакале да ја предложите за вашата општина да биде похумана, позелена  и поздрава  средина за живеење, споделете со пополнување на прашаникот на овој линк.

Цел на проектот

Младите луѓе активно учествуваат на локалните избори и се залагаат за зелени општини

Специфични цели на проектот се:

– Ангажирање на младите да земат активно учество на локалните избори за озеленување на нивната општина

– Подигање на свеста кај кандидатите градоначалници за важноста и предностите на зелените општини и нивната улога

Овој проект е финансиран од фондацијата Хајнрик Бол во Босна и Херцеговина.

  
Posted on

Oтворен повик за 5 учесници за интернационален семинар “Sport focus in education”

CYA Krik is looking for 5 participants in The International seminar “Sport focus in education”

Where: Venue: Iasi, Romania

When: 25 – 29 august 2021
Arrival day in Iasi: can be 24th evening or 25th morning
Departure day from Iasi: 29th August after 12:00 (noon time)

The project background:

The International seminar Sport focus in education is activity of the  project Expanding soft skills borders, PasSPORT in education. The project approaches the beneficial impact of sport techniques as educational method that can  be applied in educational courses for development of beneficiaries soft skills.  

The project supports the importance of soft skills, as a basis for further  development of specialized competences and the development of soft skills seen as  transversal skills that are needed for any individual in the professional training.  Opportunities that support knowledge, skills and attitudes acquired through non formal and informal learning have an important role in enhancing employability  

and life quality. In this consideration competent resource people in grassroots  sport and education are essential for raising awareness, and putting in value the  benefits that sport can bring on development of transversal skills. 

Aim of the seminar: 

 The seminar will support an interactive framework of putting together the know how  in sport and non-formal education aiming to develop 10 non formal methods using  sport. Two of the methods created will be dedicated to involving young people with  disabilities. 

Sports approached :

Each partner shall involve two types of sports, of which one will be dance(dancesport  and Zumba). Other sports approached: chess, football, fitness and martial arts.  

Participants profile and involvement :

  •  Participants profile: youth workers, trainers, sport specialists with  experience in sport and non-formal education, with motivation to  participate to exchange know-how on non-formal methods through sport for young people, to develop new methods and tools, to  develop practical skills for working with young people, to work  with youth workers and sport specialists from different  countries.
  • The participants will be directly involved in the implementation of the  awareness campaign and local trainings and will represent resource people in project  implementation. 

Travel reimbursement: 

Travel must take place at Economic class. 

Travel reimbursement will be assured according to Erasmus+ Programme rules and  on basis of travel documents provided in original, in the cuantum of max. 275 euro/person.

Everyone interested should fill in the APPLICATION FORM as soon as possible.

If you have any questions feel free to contact us at [email protected]

Главна навигација

Категории

Следете ги новостите

Изработено од WebDuo.mk

© Сите права се задржани - Национален младински совет на Македонија

Facebook-f Instagram Twitter