Author: mof

Posted on

Отворено предавање за средношколци: работи кои не сте ги знаеле за македонскиот политички систем

Mладински образовен форум ги поканува сите заинтересирани средношколци на отворено предавање со Проф. д-р Ненад Марковиќ на тема „Работи кои не сте ги знаеле за македонскиот политички систем“.

🗓️ Датум: 31-ви мај 2023 година
⏰ Време: 12:00 часот
📍 Локација: Млади Хаб (Димитрие Чупоски 7)

Во текот на ова предавање, Проф. д-р Ненад Марковиќ ќе сподели интересни аспекти за функционирањето на политичкиот систем во нашата држава, за кои веројатно не сте биле информирани до сега. Преку интерактивни дискусии и примери од реални ситуации, ќе имате можност да ја истражите важноста на политиката и улогата на младите во демократските процеси. Фокусот на ова предавање ќе бидат институциите, механизмите на политичкиот систем, како и начините преку кои можеме да влијаеме за да ја обликуваме иднината на нашата заедница.

Ова е одлична можност да откриете нови информации и да се вклучите во активни дебати за политиката во нашата земја. Бидете дел од генерацијата која ќе ja промени и обликува иднината.

Доколку сакате да го проследите предавањето, ве молиме вашиот интерес и присуство да го потврдите најдоцна до 29-ти мај на [email protected]

Отвореното предавање се организира во рамки на проектот „Практикувај Демократија“, имплементиран од Фондацијата за демократија на Вестминстер, а поддржан од Британската амбасада во Северна Македонија.
Posted on

Станица: Студентска 8 – целодневен настан наменет за студенти, но и за сите останати заинтересирани млади

По неколку години пауза, на 03.05.2023 година (среда), од 12:00 – 17:00 часот на Градежниот факултет при Универзитетот „Св. Кирил и Методиј“ во Скопје, ќе се одржи Станица: Студентска 8, целодневен настан наменет за студенти, но и сите останати заинтересирани млади.

Предвидени се отворени предавања на интересни и актуелни теми, како вештачка интелигенција, започнување на свој бизнис, права при контакт со полиција, како е да се биде млад автор, како и помирување и градење на мирот во регионот.

Дополнително, ќе се одржат и работилници за цртање на платнени торби, одржување на велосипеди и истражување на пештерите низ нашата земја.

Настанот е во организација на Младинскиот образовен форум (МОФ) и Регионалната канцеларија за младинска соработка (RYCO), со поддршка од Универзитетското студентско собрание при Универзитетот „Св. Кирил и Методиј“ во Скопје (УСС-УКИМ)

Фејсбук настанот можете да го погледнете тука.

 

Агенда за настанот:

I Предавања
ПРВ ДЕЛ 12:00 – 13:00 часот
ПЕРОН 1: Првите чекори за отпочнување на глобален стартап од Македонија – Игор Маџов, Претседател на Стартап Македонија и ко-основач на Nest-Group
ПЕРОН 2: Потенцијали и ризици на вештачката интелигенција и Chat GPT – Проф. Ѓорѓи Маџаров, Професор на Факултетот за информатички науки и компјутерско инженерство (ФИНКИ)
ПАУЗА 13:00 – 13:30 часот
ВТОР ДЕЛ 13:30 – 14:30 часот
ПЕРОН 1: Градење на мир и помирување: Од Украина до Балканот – Проф. Ана Чупеска, Професорка на Правниот факултет „Јустинијан Први“
ПЕРОН 2: Писателствувањето како процес и бидувањето писател во Македонија – Јован Илиески, писател и психолог
ПАУЗА 14:30 – 15:00 часот
ТРЕТ ДЕЛ 15:00 – 16:00 часот
ПЕРОН 1: Права и должности на млади при контакт со полиција – Јанаки Митровски, адвокат
ПЕРОН 2: Спелеологијата и пештерите во Македонија – можност и предизвик за млади истражувачи од различни области – Александар Стојаноски, апсолвент на Институт за географија при ПМФ, спелеолог

II Работилници
12:00 – 14:00 часот
ПЕРОН 3: Велосипедска работилница на отворено – Педала
15:00 – 17:00 часот
ПЕРОН 4: Работилница за цртање на платнени торби – Ана Трајковска, визуелна уметница
12:00 – 17:00 часот
ПЕРОН 5: Саем на организации
15:00 – 17:00 часот
ПЕРОН 6: Chill zone со DJ set

Posted on

Конференција за социјален активизам – ENGAGE 2022

Младински образовен форум и Радио МОФ ве покануваат на единаесеттото издание на Конференцијата за социјален активизам ENGAGE 2022. 

Настанот ќе биде поделен во 3 дела:

 

🎤 ENGAGE THE STAGE – Каде ќе имате можност да слушнете домашни и меѓународни говорници кои ќе го пренесат нивното искуство на темите: технологија, животна средина, човекови права, граѓански иницијативи и новинарство;

🎨 ENGAGE THE WORKSHOPS – Каде ќе можете да се вклучите во една од креативните работилници за изработка на стикери, алки и уметност преку облека и

 

🎧 ENGAGE THE NIGHT – Каде ќе може да се забавуваме со DJ сетови до полноќ.

Повеќе информации за ENGAGE 2022 може да дознаете овде, а вашето присуство може да го најавите на Регистрацијата достапна на овој линк или со одговор на овој мејл. 

ENGAGE е единствената конференција за социјален активизам во Северна Македонија, организирана од Младински образовен форум и Радио МОФ во изминатите десет години. На конференцијата, домашни и странски активисти споделуваат знаења и искуства на теми поврзани со граѓанска ангажираност, култура, социјална промена, дигитална демократија, слобода на говор, животна средина, технологија, правата на ЛГБТИ+ заедницата, иднината на образованието и медиуми. Преку ENGAGE, МОФ и Радио МОФ се стремат да го подигнат нивото на информираност на граѓаните, нивната присутност и активно делување, како онлајн, така и во физичкиот простор. Со програмата, ENGAGE обезбедува едукација, интеракција и инспирација за индивидуи, групи и организации чија цел е да го подобрат општеството во кое живееме.

На изминатите 10 изданија, како странски говорници учествуваа: Гитанџали Рао (САД), Вандита Морарка (Индија), DJ Switch(Нигерија), Енди Батентие (Франција), Биргита Јонсдотир (Исланд), Питер Сунде (Финска), Сара Мардини (Сирија), Алина Афлекаилор (Романија), Дан Лахав (Израел), Мифонви Никсон (Велика Британија), Христос Јовнопулос(Грција), Валерио Мушела (Италија), Ирем Сомер (Турција), Смари МекКарти (Исланд), Елтон Баџаку (Албанија), Арбер Салиху (Косово),  Иван Новак (Словенија), Ирина Гордиенко, (Русија), Ана Биалас (Полска), Михаи Политеану (Романија), Емилиано Кампањола (Италија), Јарина Груша (Украина), Ајзис Томпсон (Велика Британија), Дејан Николиќ (Србија), Салио Сијах (Босна и Херцеговина), Хана Марку (Косово), Јелена Анасоновиќ и Миодраг Симовиќ (Србија), Ловро Крсник (Хрватска), Љуљета Алиу (Косово), Јернеј Кастелич (Словенија), Ксенија Радовановиќ (Србија),Владан Јолер (Србија), Дарко Соковиќ (Србија), Вук Војновиќ (Црна Гора) и други.

Како домашни говорници учествуваа повеќе од  50 говорници меѓу кои се: Денис Јанкулоски, Стефан Алексиќ, Петар Антевски, Влад Илиќ, Борче Стаменов, Петар Ниновски, Ѓорче Ставрески, Алвин Салимовски, Никола Писарев, Беса Арифи, Ленче Ристоска, Томислав Кежаровски, Ирена Ристиќ, Роберто Беличанец, Владимир Милчин, Златко Ориѓански, Влатко Васиљ, Фејми Даут, Горан Кунгуловски, Калиa Димитрова, Ена Бендевска, Сашка Цветковска, Клементина Илиевски, Игор Стевковски – Стевац, Горјан Јовановски, Огнен Јанески и други.

ENGAGE е поддржан од National Endowment for Democracy.

Posted on

Повик за нови членови на МОФ/Thirje për antar të rinjë në FRA

Младински образовен форум (МОФ) отвора повик за нови членови во младинските клубови!
Forumi Rinor Arsimor po hap një thirrje për antar të rinjë në klubet rinore!
 
Tи викаат дека многу објаснуваш и зборуваш? Бујрум во дебатен клуб!
Të thonë se shumë japish shpjegime dhe flasësh? Bujrum në klubin debatues!
 
Не знаеш каде да се обратиш, а сакаш да спречиш неправда? Дојди во Учиме Право!
Nuk dish ku të drejtohesh, por dëshiron të ndalosh padrejtësite? Eja në Мësojmë drejtësi
Креативен/а си? Сакаш преку уметноста да постигнеш некаква општествена промена? Артивизам клубот е вистинското место за тебе.
Je kreativ?Dëshiron përmes artit të arrish të bësh ndryshime në shoqëri? Klubi artivizmit është vendi i duhur për ty. 
 
Сакаш да анализираш и пишуваш? Те чекаме во Новинарски клуб!
Dëshiron të analizosh dhe të shkruash? Të presim në klubin e gazetarisë!
Пријави се тука! Aplikoni këtu!

 

Posted on

Недела на филмски проекции и дискусија

📽 И овој месец организираме недела на филмска проекција!
🤝 Младински образовен форум, во партнерство со УНХЦР Ве кани на филмска недела во Охрид и во Тетово каде ќе имате можност да го гледате филмот Welcome to Norway во режија на норвешкиот режисер Rune Denstad Langlo и каде ќе можете да дискутирате за вашите импресии од истиот. Филмот Welcome to Norway се фокусира на желбата на еден човек да направи сѐ што е во негова моќ за да не ги изгуби работите во кои вложил најмногу: неговиот хотел и неговото семејство. Дали ќе успее во својата намера, ќе заклучите вие самите на дискусијата која ќе следи по завршувањето на филмот.
📍 Филмските проекции ќе се одржат на 13 септември во Тетово во просториите на Центарот за балканска соработка ЛОЈА со почеток од 18:30 часот и во просториите на Касарна Хаб во Охрид на 15 септември со почеток од 19:30 часот. 
🟠 Сите заинтересирани своето присуство треба задолжително да го пријават на овој формулар:  https://forms.gle/8JGzEsxiovzNPBpN6 – најдоцна до вторник (13 септември), 12:00 часот на пладне.
🙌 Ве очекуваме на филмче и на убава дружба!
▶ Оваа активност е финансирана со средства на Миграцискиот повеќепартнерски доверителски фонд, во заедничкиот проект имплементиран од Агенцијата на ОН за бегалци, УНХЦР и партнерските агенции на ОН. Содржината создадена во рамките на активноста не нужно ги отсликува ставовите на Фондот, УНХЦР и партнерските организации на ОН.
Posted on

МЛАДИТЕ ГИ СЛАВАТ УКАЖУВАЧИТЕ

Младински образовен форум (МОФ) со задоволство Ве поканува на конференција „Младите ги слават укажувачите“, организирана од Регионалната антикорупциска иницијатива, во соработка со МОФ.
🎉 Настанот ќе го одбележи денот на укажувачите.
📢Присутните ќе може да ги увидат искуствата од земјата, но и на глобално ниво, за позицијата на укажувачите. Исто така, ќе можат да слушнат повеќе за канали за откривање и механизми за заштита на укажувачите; каков удел има граѓанското општество за поддршка на укажување преку застапување јавни политики, јавно образование, правна помош и друга поддршка; и значењето на јавната свест, особено на младите, за важноста на укажување во борбата против корупцијата и едукација на јавноста за укажувачите.
📌 Конференцијата ќе се одржи на 13.05.2022 година (петок) со почеток од 11:30 часот во Јавна соба.
✋🏻 Во рамки на самиот настан, учество ќе заземат:
• Томислав Кежаровски, новинар
• Елмерина Ахметај Хреља, експерт за антикорупција, РАИ секретаријат
• Ѓорѓи Лазаревски, укажувач и разузнавач
• Анета Арнаудовска, советник за антикорупција, РАИ секретаријат
• Џерард Рајл, директор на меѓународниот конзорциум на истражувачко новинарство 
• Марк Ворт, експерт за укажување, РАИ секретаријат
👉🏻 Свое присуство ќе имаат и претставници од делегацијата на ЕУ во Северна Македонија и останати организации и институции.
 
____________________________________________
📣 The Youth educational forum (YEF), with great pleasure invites You to the conference “Youth celebrates whistleblowers”, organized by the Regional anticorruption initiative, with collaboration with YEF.
🎉 The event will mark the day of the whistleblowers.
📢 The attendees will have the opportunity to compare the experiences from the country and from abroad, on the position of whistleblowers. They will hear more about channels and protection mechanisms for whistleblowers; how the civil society impacts whistleblowing through public policy advocacy, public education, legal aid and other support to whistleblowers; and the meaning of the public awareness, especially of youth, about the importance of whistleblowing in the fight against corruption and educate the public about whistleblowers.
📌 The conference will be held on 13.05.2022 (Friday) at 11:30 o’clock, in Public room.
✋🏻 On the conference, the following speakers will take part:
• Tomislav Kezharovski, journalist
• Elmerina Ahmetaj Hrelja, Anticorruption Expert, RAI Secretariat
• Gjorgji Lazarevski, whsitleblower and reconnoiter
• Aneta Arnaudovska, senior Anti-corruption Advisor, RAI secretariat
• Gerard Ryle, director of the International Consortium of Investigative Journalists
• Mark Worth, whistleblowing Expert, RAI Secretariat
👉🏻 Representatives of the EU delegation in North Macedonia and other organizations and institutions will also have their presence.
Posted on

Еко-прашалник: Пријави проблем, вклучи се, биди корисен!

Дали вашата општина има проблеми со управување со отпад или депонии? Проблеми со организирањето на јавните локални простори? Постои недостаток на велосипедски патеки и алтернативна мобилност? Можеби загадениот воздух, почва или загадената општинска вода е нешто што највеќе ве загрижува?

Пријави проблем, вклучи се, биди корисен! Пополни го прашалникот на следниот линк: https://forms.gle/11c5feV1pbghk3iK8

Проблемите во животната средина се повеќеслојни, што влијае на целокупниот квалитет на живот во урбаните и руралните средини. Младински образовен форум во рамки на проектот „Креативна младинска акција за животна средина“ сака да постигне поголемо вклучување на младите, со цел да се ангажираат, солидаризираат и да учествуваат во процесите на своите заедници. Проектот има за цел поттикнување на примена на одржливи активистички практики преку креирање дијалог меѓу различните чинители и заедничко дејствување за решавање на еколошките проблеми во локалните заедници.

Мапираните еколошки проблеми од овој прашалник понатаму ќе бидат дискутирани и со локални организации, локалната самоуправа и бизнис-секторот за пронаоѓање на решение. Во рамки на проектот ќе бидат реализирани 5 локални еколошки акции за мапираните проблеми. Исто така, ќе бидат креирани и документарно-новинарски видеа за процесот на застапување за решавање на проблемите.

Проектот „Креативна младинска акција за животна средина“ се спроведува со поддршка од Фондација Отворено општество Македонија.

Posted on

Промоција на клучни наоди од три мали истражувања

Младински образовен форум (МОФ) со задоволство ве поканува на промоција на клучните наоди од трите мали истражувања на кои што МОФ работеше изминатите неколку месеци.
Овие три мали истражувања се креирани од три млади истражувачи кои во изминатиот период, со поддршка од нивните ментори, изработија три мали истражувања кои се фокусираат на идеологијата на младите и улогата на образованието, младинското претприемништво како и анализа на новиот модел на студентско организирање. 
Доколку сакате да ја следите презентацијата, потребно е да се регистрирате на следниот линк каде што ќе ви биде испратен мејл со линкот за вклучување. 
(https://forms.gle/SGsPYebr1dCs3N9F7)
Агенда:
12:00 – 12:10 – Воведно обраќање од МОФ и ФООМ
12:10 – 12:40 – Презентација на клучни наоди и препораки од истражувањата
12:40 – 12:50 – Прашања од публика
12:50 – 13:00 – Затворање на настанот
За истражувањата:
1. Улогата на образованието во идеолошките гледишта на младите во Северна Македонија – авторка Јоана Тренеска, ментор Борјан Ѓузелов
2. Анализа на новиот модел на студентско организирање: Искуства на студентските претставници при Универзитетот „Св. Кирил и Методиј“ во Скопје – автор Стефан Видиков, ментор Мартин Галевски
3. Младинско претприемништво: Ограничувања и бариери за отпочнување и раководење со сопствен бизнис (стартап) од страна на младите луѓе – автор Стефан Дојчиноски, менторка Симонида Кацарска
 
Трите мали истражувања се изработени се спроведени во рамки на проектот „Академски стипендии за граѓанско општество“ овозможен со финансиска поддршка на Тематската програма за стипендирање на Фондациите отворено општество – Њујорк преку Фондацијата Отворено општество – Македонија. 
Содржината е единствена одговорност на авторот и не нужно ги одразува ставовите на Фондација Отворено општество – Македонија.
Posted on

„Cult+Alt+Repeat“ – Културно лето во МОФ

Младински образовен форум и Радио МОФ организираат „Културно лето во МОФ“ кое трае од 29-ти јули до 31-ви август 2021 година. Младите низ повеќе настани ќе имаат прилика да се социјализираат, меѓусебно да се запознаат, да слушнат квалитетна музика од домашни артисти, да научат да цртаат, да дизајнираат на некоја дигитална алатка, да креираат уметност со примена на реупотреблив дизајн, да проследат актуелен филм, да се опуштат со јога итн

Преку Cult+Alt+Repeat, МОФ и Радио МОФ се стремат да го подигнат нивото на информираност на младите, да обезбедат простор за младинска и културна дружба и активизам.

Овој петок ве покануваме на младинска дружба во дворот на МОФ во 19:30 часот, каде ќе имате можност да слушате квалитетна електронска музика од одличниот Крсте Стефановски.

К-Р-К има настапувано на многу локации низ нашите простори – АМОК радио, Noods радио, како и Shortbus. Секаде каде што настапува, остава културен белег и печат за понатамошно развивање и делување помеѓу музичките лавиринти.

Крсте, за себе вели дека ужива во електронска музика, во екпериментирање, во социјализација со интересни луѓе и во миксање на нови песни. Несомнено шармира со својот препознатлив стил и препознатлив избор на музика.

                                                                              Локација: https://goo.gl/maps/QyFiBZfX51qiaAWK8

ФБ-евент: https://fb.me/e/1a5sUi2tt

Главна навигација

Категории

Следете ги новостите

Изработено од WebDuo.mk

© Сите права се задржани - Национален младински совет на Македонија

Facebook-f Instagram Twitter